影片
更多
2023-02-18
4507 瀏覽
呢排真係太忙，完全冇時間寫食評。而家要報復式寫返😂作為一個紅蝦意粉愛好者，一見到有餐廳有紅蝦意粉，第一時間一定會去試！今日嚟到IFC呢間餐廳，同老公撐枱腳，順便好好享受維港海景。餐廳位於IFC 4樓，無敵大海景，有得坐戶外同indoor。餐廳裝潢非常新淨得體，唔算太迫，啱晒同老細食business lunch!Lunch 正常都係set menu，三個course $400 加一埋單，麵包任食。麵包值得一講，冇影到相，但係好好食。配麵包嘅有香草醬同埋牛油。牛油上面加咗蜜糖同鹽，食落去味道同口感好特別。Storm Clam前菜揀咗呢個clam，佢係好似日本炭燒嗰啲蜆咁，煮之前已經劏好晒，然後擺落個貝殼度加啲上湯，再慢慢燒熟佢😍煮好之後，上面會加埋三文魚子同埋一啲泡沫，食落去好鮮甜，好似去咗日本咁😍值得推介八爪魚沙律八爪魚沙律，要另加$68，不過價錢都係值既。八爪魚有一大條，唔係淨係得幾粒，冇燶味，而且煮得好琳。中間嘅沙律有啲沙律菜同小蕃茄，個沙律醋酸酸甜甜，好refreshing。紅蝦意粉以價錢嚟講，呢個紅蝦意粉好抵食。雖然我嘅favourite都係另外一間餐廳，不過暫時嚟講呢度排第二😆
餐廳位於IFC 4樓，無敵大海景，有得坐戶外同indoor。餐廳裝潢非常新淨得體，唔算太迫，啱晒同老細食business lunch!
Lunch 正常都係set menu，三個course $400 加一埋單，麵包任食。麵包值得一講，冇影到相，但係好好食。配麵包嘅有香草醬同埋牛油。牛油上面加咗蜜糖同鹽，食落去味道同口感好特別。
Storm Clam
前菜揀咗呢個clam，佢係好似日本炭燒嗰啲蜆咁，煮之前已經劏好晒，然後擺落個貝殼度加啲上湯，再慢慢燒熟佢😍煮好之後，上面會加埋三文魚子同埋一啲泡沫，食落去好鮮甜，好似去咗日本咁😍值得推介
Storm Clam
147 瀏覽
0 讚好
0 留言
八爪魚沙律
八爪魚沙律，要另加$68，不過價錢都係值既。八爪魚有一大條，唔係淨係得幾粒，冇燶味，而且煮得好琳。中間嘅沙律有啲沙律菜同小蕃茄，個沙律醋酸酸甜甜，好refreshing。
八爪魚沙律
113 瀏覽
0 讚好
0 留言
紅蝦意粉
以價錢嚟講，呢個紅蝦意粉好抵食。雖然我嘅favourite都係另外一間餐廳，不過暫時嚟講呢度排第二😆😆紅蝦意粉有三隻蝦，蝦既大細適中，而且份量好足，蝦味濃郁，浸滿晒每一條意粉。意粉嘅質感都比較煙靭，非常有口感。
我比較鍾意呢間餐廳會加啲泡沫🤣令到成件事好精緻，而且啲泡沫係有香味，增添每道菜嘅層次感。紅蝦意粉呢度絕對係抵食之選！
紅蝦意粉
87 瀏覽
2 讚好
0 留言
栗子蛋糕配雪糕
最後甜品，佢每日都會有唔同款式。今次試咗栗子蛋糕，味道唔錯，配埋意大利雪糕，完美收場。
栗子蛋糕配雪糕
60 瀏覽
0 讚好
0 留言
總體嚟講，呢間餐廳雖然好新，但係真係試完絕對唔會中伏。已經介紹過幾個朋友去，個個食完都話抵！因為喺IFC呢個地段，呢個價錢，呢個環境，呢個食物質素，根本真係物超所值。
不過唯一美中不足嘅係，之前去咗兩次d waiter都唔算話train得好好。所以希望餐廳可以更加注重員工嘅服務質素 (態度係正常，不過係整體感覺唔夠專業only)😂其他方面就冇得輸啦，希望餐廳會繼續做落去，越做越好！
(Price: weekday lunch $450/pax.)
張貼
