惠 (已結業)

做到張大單老細話請食飯☺️ 咁當然要好好享受下由師傅發板既Omakase,呢間惠係灣仔謝斐道由公司行去唔洗十分鐘🤣lunch set $1080一位😙好抵食啊～先黎茶碗蒸之後刺身五點再黎六貫手握壽司仲會有小肴汁物最後甜品咖啡☕️當中師傳整既手握壽司真係令人好回味，由味道清淡開始：帆立貝壽司無過多既調味，少少醬油係飯上面已經帶出帆立貝既鮮甜，吞拿魚醬油漬壽司醬油已經醃好左吞拿魚大大提昇左魚既鮮味😋明太子白蝦壽司食落一粒粒加埋明太子既香滑🍤喜之次壽司係當中油脂含量比較高既一件，受到日本人既追捧果然不同凡響，入口即溶👏🏼👏🏼👏🏼睇黎下個月又要跑多次靚數～等我老細再請我食lunch😺