8號茶居 (宏業南街) (已結業)

以往經過元朗工業區都唔會留得耐，事關個區入黑就夜闌人靜，近呢幾年發展得好快，起咗私人樓就有齊配套。私樓商場變成五光十色，而8號茶居塊霓虹燈最吸引到我目光，所以衝入去飲杯茶、食個飽……行到門口，店員已經殷勤地打招呼，完成防疫措施後，馬上安排入座。望咗兩眼，已經好肯定會嗌一飯一汽鍋燉湯套餐，相對其他餐廳，性價比頗高。點心紙明碼實價寫明有幾多件。有別於傳統茶壺，呢款更加明顯睇到水位，方便加水。店內的手工點心喺即叫即蒸，等待時間比較長。第一個上嘅菜係蟲草花燉雞腳湯，個湯無落油，健康、足料又好味蜜汁叉燒包：外皮軟熟，叉燒汁從內湧出，亦有叉燒粒提升口感咖哩蒸土魷：份量十足，滿到隻碟裝唔晒。咖喱汁不夠濃稠，可以再濃味啲，土魷夠爽口。8號蝦餃王 ：皮薄餡靚，半透明嘅外皮非常吸引，咬開煙韌彈牙，鮮蝦新鮮爽口。蟹籽燒賣皇：呢度燒賣比較特別，唔係出面食開黃色皮個款，啖啖肉，好飽滿。鴛鴦鮮蝦網米腸：一上枱已經非常吸睛。感覺有啲似市面上既油條腸粉，但呢款喺外脆內嫩。鼓汁排骨竹筒飯：排骨佈滿豉汁味，肉汁遍佈整晶瑩飯粒之上，用嚟撈飯非常好味