名人私房菜 (已搬遷) 新店位置

今晚又加班，同同事一齊訂左位食呢間尖咀私房菜，入到去真係好Home Feel，好似去左屋企食飯咁，幾個人座得幾迫，但係好溫暖咁, 中菜啊！其實我地都好鐘意。個湯真係唔記咩啦..有好多不同的菇，加埋奶白魚湯，好清新又有鮮味，好有住家FEEL，無味精最健康，我飲完好滿足，D唔同的菇吸收左魚湯鮮甜，好好食。香口野係我話一定要叫，因為屋企唔會整呢D,,,豉汁蟶子，避風塘炒肉蟹，點講到夠晒鑊氣，蟶子好爽好鮮，夠大隻D汁吊出佢的鮮味，另外肉蟹真係啖啖肉，加上的炸香香蒜，點解可以咁有大排檔的風味，蒜頭好味道要撈飯，好好食架(食完口好臭，但無所謂!!!)鮮蝦荷葉飯，真係做得好好，佢D飯好爽身，唔會好濕，蝦肉的鮮味和蒜蓉的香味入晒落飯肉，荷葉香氣加上米香, 再加上有香甜豉油的浸潤，吃一口飯可以好享受，層次感十足。身為香港人，其實我都係最愛中菜！