皇后泰國廚房 (已結業)

香港其實有不少泰國菜餐廳，所以其實以後無必要再亂咁試食連名都未聽過既私房菜形式既泰國餐廳。今次因為上網見到有八折優惠就預約左這間位於尖沙咀鬧市的Queen’s Kitchen皇后泰國廚房，我有睇過網上既食評嫁見話唔差又話舒服又有景…係既這間餐廳的確位置方便，格調和環境都很舒適又寧靜。寧靜係基於當晚得我地一枱客囉🤨🤨睇左餐牌好耐一直搵唔到有青咖哩既選擇，之後問店員，佢話餐牌無既不過可以做到比我地😅😅店員聲稱紅咖哩沒有飯附送，而青咖哩雞可配飯或薄餅，若要加飯要另加$12。咁我地就決定叫青咖哩雞 ($148)、四串沙嗲雞肉/豬肉串 ($98) 同泰式香葉豬肉生菜包 ($128)。碟青咖喱雞一黎度就睇到我有點驚，雞肉較預期少(得一隻雞脾二隻雞翼)，咖哩汁較偏稀，好似一半係咖喱一半清水咁，連椰沐味都可以話係無，整體味道較預期差。😞😞四串沙嗲雞肉/豬肉串，店員話可以一半一半咁比我地，所以一碟有兩串雞肉兩串豬肉。味道不過不失啦！泰式香葉豬肉生菜包，拿起生菜，放入肉碎，捲好，放進口裏一起吃。味道偏辣，肉碎偏少反而洋葱、香茅、辣椒比較多。