輝哥私房菜 (已結業)

天氣越嚟越凍，成日都好想打邊爐，難得同事有同感，一於收工一齊就去打邊爐啦。同事話佢之前試過一間私房菜打邊爐，價錢又唔貴，嘢食又好新鮮，一於就咁決定啦餐廳位於尖沙咀三角公廁附近，地理位置來講都算好方便一坐低梗係叫咗個湯底先呀，最後大家一致決定叫胡椒豬肚花甲湯底，胡椒味雖然唔算好重，但飲落都有少少辣辣地，個身即刻暖晒，豬肚爽口，而且花甲好大隻，所以湯頭好鮮甜，火鍋配料未上我哋每人已經飲咗兩大碗湯叫咗湯底之後，就梗係要混醬啦！鍾意呢度嘅調味配料好新鮮乾淨，唔會好似出面有啲餐廳咁污污糟糟牛頸脊牛頸脊肥瘦分布10分適中，厚薄亦都切得啱啱好，一放落湯底唔夠10秒就熟左，入口即溶仲好香牛味，好食爆漿芝士蝦丸呢粒蝦丸超大粒，仲大粒過乒乓波，而且肉質爽口彈牙，芝士味香濃，個芝士仲可以拉絲添， 食落超級過癮其他火鍋配料亦都10分新鮮乾淨超鍾意佢呢一個五花茶，係師傅每日親自自己煲嫁，超香五花茶味，而且唔會過甜，個感覺似係媽咪自己屋企煲果種，飲落超級溫暖埋單每人＄400 ,私房菜來講都算幾抵食。而且食物新鮮，服務質素亦都好好，坐得都幾舒服，以尖沙咀地段來講，呢間餐廳都可以納入朋友聚會之中嘅餐廳list裏面