影片
更多
2023-09-24
1935 瀏覽
小妹忙於湊仔，好耐無寫食評喇🙈不過今晚去完試業中的鴨大哥，真心覺得值得一寫，當中有讚亦有希望改善的地方，總括來說都係抵食同精緻😊椒鹽豆腐炸漿唔厚，豆腐十分嫩滑，灑上小許椒鹽在上面，惹味又不油膩椒鹽雞軟骨香口美味，雞軟骨爽口以上兩款在等朋友到來做前菜，邊食邊傾邊等，一口接一口😋北京烤鴨有名叫鴨大哥，當然要試試招牌菜肉質嫩滑，鴨味香濃，皮薄香脆，最緊要無多餘的肥膏，食多啲都唔會有好「漏」的飽滯感覺，份量亦足夠唔洗搶食😆另外最欣賞有小火爐暖住餅皮，餅皮份量亦比外面的食肆多，唔會食到一半就唔夠包或凍曬，配菜有大蔥絲、青瓜、同兩款烤鴨醬，最為特別係有黑糖，感覺特別，有多款不同配搭及美味層次。希望改善位：配菜的大蔥絲、青瓜略嫌份量不夠，加返份量就更滿足😌另外小建議：黑糖可以改成爆炸糖，層次口感提升外，感覺比黑糖更特別及賣點更吸引。叉燒肉質結實口感好，略嫌玫瑰露重手左小小，搶左其他調味料的味道麥香黃金蝦咸蛋黃配上粟米片的黃金配搭，蝦肉新鮮彈牙，有紅肉火龍果鋪底，有幫助清新返味蕾，平衡返濃味的感覺，呢個菜式真心必食推介，無可挑剔😋荔枝山楂咕嚕肉咕嚕肉外脆內嫩，火喉岩岩好，配上山楂汁比外面食到的更開胃，
椒鹽豆腐
$78
49 瀏覽
0 讚好
0 留言
椒鹽豆腐
炸漿唔厚，豆腐十分嫩滑，灑上小許椒鹽在上面，惹味又不油膩
椒鹽雞軟骨
$98
53 瀏覽
0 讚好
0 留言
椒鹽雞軟骨
香口美味，雞軟骨爽口
以上兩款在等朋友到來做前菜，邊食邊傾邊等，一口接一口😋
北京烤鴨
$590
63 瀏覽
0 讚好
0 留言
北京烤鴨有名叫鴨大哥，當然要試試招牌菜
肉質嫩滑，鴨味香濃，皮薄香脆，最緊要無多餘的肥膏，食多啲都唔會有好「漏」的飽滯感覺，份量亦足夠唔洗搶食😆另外最欣賞有小火爐暖住餅皮，餅皮份量亦比外面的食肆多，唔會食到一半就唔夠包或凍曬，配菜有大蔥絲、青瓜、同兩款烤鴨醬，最為特別係有黑糖，感覺特別，有多款不同配搭及美味層次。
希望改善位：
配菜的大蔥絲、青瓜略嫌份量不夠，加返份量就更滿足😌
另外小建議：
黑糖可以改成爆炸糖，層次口感提升外，感覺比黑糖更特別及賣點更吸引。
叉燒
47 瀏覽
0 讚好
0 留言
叉燒
肉質結實口感好，略嫌玫瑰露重手左小小，搶左其他調味料的味道
麥香黃金蝦
$208
79 瀏覽
0 讚好
0 留言
麥香黃金蝦
咸蛋黃配上粟米片的黃金配搭，蝦肉新鮮彈牙，有紅肉火龍果鋪底，有幫助清新返味蕾，平衡返濃味的感覺，呢個菜式真心必食推介，無可挑剔😋
荔枝山楂咕嚕肉
$180
90 瀏覽
0 讚好
0 留言
荔枝山楂咕嚕肉
咕嚕肉外脆內嫩，火喉岩岩好，配上山楂汁比外面食到的更開胃，欣賞將呢個餸既定既生果由菠蘿改成荔枝，感覺有新鮮感。
希望改善位：
將罐頭荔枝轉為新鮮荔枝，罐頭荔枝口感較實及帶糖水味，影響了這道餸的口感；新鮮荔枝口感較好會生色不少。
另外小建議：
荔枝未必一年四季都當造，可以改為時果，以當造的生果入饌，因時制宜🍊🍋🍓🍑🍈
桂花雪梨脆蟮球
$280
86 瀏覽
0 讚好
0 留言
桂花雪梨脆蟮球
擺盤精緻，一上檯令人眼前一亮，平時唔影食物既朋友都忍不住要一齊相機食先，打卡一流。不得不提配菜的啤梨，醃得好好味，可見廚師的用心💛
希望改善位：
蟮的泥味情況有點重，可能本人對泥味好敏感🙈可以改善到呢兩點就完美了！
另外小建議：
蟮球好真材實料，切得比較厚身，咬落去有小小困難，如果可以一開二就更好，可以食得舒服啲😉
海鮮鴨湯泡飯
$218
69 瀏覽
0 讚好
0 留言
海鮮鴨湯泡飯
今餐最滿意最有驚喜的一個菜式，砂煲上夠風味，海鮮同火鴨都超多，勁足料，湯底鴨香濃郁，加上配埋脆米，有畫龍點睛之效，令整個飯比人感覺唔止湯飯咁簡單，立即升LV，令人回味無窮。
楊枝甘露&桂花糕
70 瀏覽
0 讚好
0 留言
楊枝甘露 & 桂花糕
甜品時間🥰原先食曬之前的餸菜，已剛剛好，見甜品的名字跟出面都一樣，以為無咩特色，好彩朋友堅持要飯後甜一甜，上檯時又係有驚喜…
楊枝甘露—比外面的更濃稠，柚子無落澀味，配上新鮮芒果，令人一啖接一啖，超級美味！
桂花糕—諗住都應該同外面買到既咁上下，估唔到用上又大又肥美的杞子，糕體亦好足料，唔會一拮就散曬，甜度適中，為晚餐畫上完美句號😍
建議改善：
名字太普通，如果起一個較有特色的菜名，應該會更吸引到客人想order😊
燈光柔和舒適，檯與檯之間唔太密，亦有房間，傾計好舒服，私隱度高，圖中係今晚走既時候見到好靚既廂房。
我老細好滿意🤭🤭🤭全餐飯都食得好開懷😚
張貼
