影片
更多
2014-01-01
44 瀏覽
在九龍城讀書的我對這裏並不太熟生。但講到食野，九龍城多數嗰三樣：泰國菜，清真牛肉餅同Tony Wong,今晚我地就試左第二樣野，就係私房菜。呢度好近舊機場，如果坐車去响富豪東方站落車行去，真係唔洗一分鐘就到！！我地被安排去第二層，我地一行十幾個，都唔覺迫。因為係私房菜，老板娘會選好嘅食材，再由佢發板，老板娘話想確保食物新鮮度，所以啲食材好少留過夜，有啲野食你响度食過好食，你就要早幾日call定嚟俾佢準備(^ム^)！呢個係頭盤，好惹味，炸粉有啲薄，唔係好膩又脆口，而茄子仲可以保持爽口，無吸左啲油份。軟殼蟹有點淋身，但味濃。嘩！非常入味同淋身！可能隻鳳爪本身大隻，加上軟綿綿幾索汁！呢個菜响第二度都食過，呢個就唔係好夠芥辣味，就唔以芥辣味，似凱撤沙律雲耳般，不刺激，反而有啲温和添。雲耳屬小雲耳，細細粒，入口方便又爽口。炸得好乾身，炸完豆付仍硬與炸粉不太貼，外脆內軟唔易散。因為唔食豬所以無食，不過聞到朋友仔食好香咁！嘩！！隻蠔煮完都咁大隻嘅！老板話用係用貓圖牌子嘅砵酒一起煮的。食落去好香酒味，亦突顯到蠔嘅鮮甜♥♥呢個名好靚♚其實係蒜蓉蒸粉絲大扇貝♕隻扇貝又大又新鮮，很爽。蒜蓉落得好適中，唔太多
呢度好近舊機場，如果坐車去响富豪東方站落車行去，真係唔洗一分鐘就到！！
我地被安排去第二層，我地一行十幾個，都唔覺迫。
因為係私房菜，老板娘會選好嘅食材，再由佢發板，老板娘話想確保食物新鮮度，所以啲食材好少留過夜，有啲野食你响度食過好食，你就要早幾日call定嚟俾佢準備(^ム^)！
呢個係頭盤，好惹味，炸粉有啲薄，唔係好膩又脆口，而茄子仲可以保持爽口，無吸左啲油份。軟殼蟹有點淋身，但味濃。嘩！非常入味同淋身！可能隻鳳爪本身大隻，加上軟綿綿幾索汁！
呢個菜响第二度都食過，呢個就唔係好夠芥辣味，就唔以芥辣味，似凱撤沙律雲耳般，不刺激，反而有啲温和添。雲耳屬小雲耳，細細粒，入口方便又爽口。炸得好乾身，炸完豆付仍硬與炸粉不太貼，外脆內軟唔易散。
因為唔食豬所以無食，不過聞到朋友仔食好香咁！嘩！！隻蠔煮完都咁大隻嘅！老板話用係用貓圖牌子嘅砵酒一起煮的。食落去好香酒味，亦突顯到蠔嘅鮮甜♥♥
呢個名好靚♚其實係蒜蓉蒸粉絲大扇貝♕隻扇貝又大又新鮮，很爽。蒜蓉落得好適中，唔太多遮蓋扇貝味，又少，令本身無味嘅粉絲都有扇貝同豉油加蒜既味。新加坡地道菜，原隻蝦與鹹蛋黃炒至起沙再以蛋黃黏上麥皮，食落好香口。欣賞係以前食過的都很多鹹蛋黃，始終呢樣野都唔係好健康，一路食一路驚X﹏X,呢度唔肥膩聽呢個名你估吓係乜？？
以為係龍躉，其實係將龍蝦肉放响原個蕃茄裏面,用了龍蝦汁淋面，除左味道同貭感好之外，presentation仲好精緻，如果個碟都轉少少會更好，例如白色瓷碟等！
清蒸鮑魚或清湯嘅都食過，椒盬既係第一次！俾想像的好好多，鮑魚外層是一層炸粉炸硬左，但係內裏軟綿綿，形成對比，加上惹味的椒鹽，好想encore多隻！ ๛ก(ｰ̀ωｰ́ก)水煮科中，食得最豪係今次！對於喜愛川菜的我，呢條魚嘅辣度係低級組，開心既係只可食到微辣的食友都食到！一起享受呢條又滑又香既龍躉！不過唔食得辣嘅朋友就唔好夾啲粉絲，因為佢索埋啲辣湯又麻又辣，我就覺得好正，但係如果食唔到嘅人就。。。後果自付…！Haha
老板娘指出呢味餸要好多功夫，洗豬肚已經係一樣好麻煩既事，仲要窒隻雞落去，飲完啲湯個個都話暖泣泣，豬肚被老板娘好手勢地剪碎，豬肚無嗰種內臓臭味，而雞食落都係嫩的，有啲食友飲先一碗又一碗，老板娘話呢個一定一定要預訂定，因為豬肚要用新鮮同花時間整。
炸彈X﹏X唔係吖嘛！？係！係炸。。。蛋！仲係酸嫁添！係用醋煮嘅雞，雞好嫩滑，呢個雞响呢個環境都幾特别，因為出街食時好多時都係炸子雞，白切雞或盬焗雞等，微酸味濃嘅雞响食左咁多味餸之後都唔會因為覺得飽而唔想食，仲有好特别炸蛋，就是將烚雞蛋炸左再淋上醋，味道像食豬腳薑的蛋，但就表皮炸到皺同硬，好有咬口！
呢個係我全晚最喜歡的！南瓜磨成蓉煮菜再放在南瓜盒中，個蓉超濃郁，可以話比出面既南瓜湯仲濃，而且成晩都好多肉同海鮮，呢個南瓜盒好啱食。
講起黑白泡飯，我諗起炸炸聲！將黑糯米炸到脆卜卜，再放在熱泡飯中產生炸炸聲，黑米又似跳豆般在湯面上微跳，食落好脆又好趙口。湯很清甜，原因湯有放龍蝦粒落去煮， 連湯飯都好足料！
最後以芒果糯米糍同生果碟（菠蘿同火龍果）作結束。呢餐老闆娘話基本上係五百蚊度，真係好抵！呢個價錢，食左好多海鮮外，仲有食左好多新鮮感！物超所值！值得推介的私房菜！
張貼
