魔膳工房 (已易手) 新餐廳

今日約左朋友食晚飯，朋友在apm放工，上openrice見有間私房菜就在附近，就上去食下。見幾特别，有今日特别餐。最後我們選擇左一個牛，一個羊，都係六成熟。餐湯今日有紅腰豆同羅餸湯選擇，我們見紅腰豆嘅湯都未飲過，就飲下啦。飲落有小小粒粒狀嘅豆豆味再配上有小小忌廉味，幾特别，唔錯。蒜蓉包外皮好脆，蒜蓉味濃，唔錯。到主菜上枱，我朋友叫左個紐西蘭肉眼牛扒六成熟，賣相幾吸引，跟薯菜，有瓜，薯仔。我朋友原本想食五成熟，牛扒食落比她想像中熟，食落有d像八成，肉質一般粗糙，牛肉味濃，味道一般，有點像西冷牛扒嘅質感。到我嘅羊架六成熟上枱，睇落賣相唔錯。食落味道唔錯，唔會太蘇。六成熟都幾香口，我朋友唔太食羊，食左小小後都想食件，我就給左一件給她。她剛好食左件睇落好熟嘅羊架，食落有八九成，她説較熟。厨師對生熟嘅火喉有小小參次，不過味道都可以。個餐包一杯飲品，我就叫左個桃味嘅紅茶，飲落幾消化，食左幾多肉。最後我們叫左個朱古力特濃嘅朱古力味蛋糕，反而依個蛋糕幾好味，睇落好像軟軟的。食落原來係一層一層嘅朱古力，幾好食。