忠記咖啡屋‧私房菜 (已結業)

話說同朋友們book了這裡吃私房菜叫得私房菜食物應該要有番咁上下水準果然無令我地失望，質素真係有番咁上下。。。。。。。。。。。。。。。。。。四喜臨門 ▸麻辣大豆芽，麻辣味都幾重▸芥末蒜泥牛脷，牛脷好軟好淋，面頭好多蒜，所以好香，食到停唔到口▸陳年花雕鴨舌，酒味香濃，鴨舌幾爽口入味，送酒一流▸椒鹽雞軟骨，香口而不油膩，好吃。。。。。。。。。。。。。。。。。。XO醬鮮百合炒10頭鮮鮑魚▸鮑魚都幾新鮮彈牙，非常入味，而且都幾大隻，冬菇亦都好入味。。。。。。。。。。。。。。。。。。美極香煎大虎蝦▸一上枱已聞到好香，虎蝦好新鮮大隻，而且煎得剛剛好，香得黎肉質仲keep到，亦唔會淨係得面頭個殼先有味，有蝦嘅鮮甜味同埋美極豉油嘅香味，很好吃😋。。。。。。。。。。。。。。。。。。杏汁豬肺湯▸第一次飲覺得幾好飲，杏汁味有，但唔會話太濃太搶味，反而有種香得黎又清清地，飲完好舒服嘅感覺。。。。。。。。。。。。。。。。。。薑汁芝麻湯丸▸薑汁味好濃好夠辣，唔會好甜，配埋芝麻湯丸好好味