品味舫

營業中

休息中

六個老友又捐窿捐罅去搵食啦！今次泥到朗豪坊隔離嘅“朗情坊”，大廈頗殘舊，如果不是街坊或返工客，應該不會光顧了，加上食評都不多。星期五晚都好靜，成晚得3圍客人，總共15個客，真係夠晒清靜。老板娘招呼周到，冇早早趕客，值得一讚。食物方面，標榜私房菜，廚藝水準尚算不錯的，價錢都不算貴，人均消費250-300啦！蒜蓉粉絲蒸聖子，每客計80蚊一位，味道佳，但略嫌不夠熱辣辣。豉汁蒸白鱔，好新鮮，魚肉彈牙，唯一缺點是墊底的豆卜硬了少許。咕嚕肉味道一般，肉質太瘦吾夠鬆軟，欠汁OK的。蜜餞黑椒雞翼是招牌菜，冇得輸。蓮藕片炒爽肉，藕片夠爽但肉青就麻麻。腐乳炒通菜出色，夠碧綠爽脆，好味。椒鹽鮮尤咸左少少，熱辣辣。欖菜肉碎炒飯好大碟，幾香也惹味的。整體小菜水準不錯啦！有住家feel，會再幫襯的。