影片
更多
2019-06-12
636 瀏覽
朋友推介食開既西香記開左私房菜，食開夾膜既佢揾埋我陪佢去，我又未食過陝西菜，梗係要睇下究竟係咩嚟先！朋友叫埋幾個好友叫左一圍10 人菜食，除返開每人都唔駛$300 , 不過真係好鬼豐富！我就精選左一d菜同大家分享下！先嚟有非常開胃既酸辣涼皮，唔係得個辣字，仲多左陣酸香味！芽菜爽口，涼皮煙韌！跟住有賣相十分吸引既椒鹽牛肉，睇落好辣，食落香夾脆！小小辣多多脆，仲有點點牛肉香味，有點似香脆既牛肉乾，非常有特色既菜式！跟住落嚟都係繼續食小食！有呢個爽口而且牛味十足既小食涮牛肚，啖啖肉，幾有咬口，一啖一串，用嚟送老友帶嚟既白酒，啱晒！食完d重口味既小食之後，又會有d清新返d既小食，之後有涼伴苦瓜既出場！苦味就唔覺有，卻有陣陣回咁味，解解辣非常適合！這個編排都唔錯！很有心思呢食過涼伴苦瓜後仲有一個幾有特色既涼麵，蕎麥铪餎，用上日本製既蕎麥麵，清香既蕎麥味搭上微酸既味道，又幾夾，加上爽口既青瓜絲，一軟一爽，口感十足！小食過後每人都有一杯飲品供應，有d選擇左即製既熱豆漿，我就揀左自家製山渣味同梅味十足，微甜既酸梅湯，用嚟解辣消滯非常不錯！跟住呢輪到各式主菜出場，有我最鍾意既熗炒土豆絲，味道基本上同我喺
朋友叫埋幾個好友叫左一圍10 人菜食，除返開每人都唔駛$300 , 不過真係好鬼豐富！我就精選左一d菜同大家分享下！
先嚟有非常開胃既酸辣涼皮，唔係得個辣字，仲多左陣酸香味！芽菜爽口，涼皮煙韌！
跟住有賣相十分吸引既椒鹽牛肉，睇落好辣，食落香夾脆！小小辣多多脆，仲有點點牛肉香味，有點似香脆既牛肉乾，非常有特色既菜式！
跟住落嚟都係繼續食小食！有呢個爽口而且牛味十足既小食涮牛肚，啖啖肉，幾有咬口，一啖一串，用嚟送老友帶嚟既白酒，啱晒！
食完d重口味既小食之後，又會有d清新返d既小食，之後有涼伴苦瓜既出場！苦味就唔覺有，卻有陣陣回咁味，解解辣非常適合！這個編排都唔錯！很有心思呢
食過涼伴苦瓜後仲有一個幾有特色既涼麵，蕎麥铪餎，用上日本製既蕎麥麵，清香既蕎麥味搭上微酸既味道，又幾夾，加上爽口既青瓜絲，一軟一爽，口感十足！
小食過後每人都有一杯飲品供應，有d選擇左即製既熱豆漿，我就揀左自家製山渣味同梅味十足，微甜既酸梅湯，用嚟解辣消滯非常不錯！
跟住呢輪到各式主菜出場，有我最鍾意既熗炒土豆絲，味道基本上同我喺國內食既無咩分別，只係炒得更有鑊氣，辣得嚟帶d酸，乾辣既香味都幾突出，土豆又幾爽口！
跟住到今晚晚主角之一葫蘆雞，據說是當年特別做俾皇帝既菜式，份量十足既雞配上辣辣地焗得香脆既外皮配上嫩滑既雞肉，外脆內嫩，確係一道不錯招待上賓既菜式！
而另一主角新疆烤羊肉，勁大隻羊腿焗得入晒味，香噴噴既孜然味同辣味滿佈外皮，羊味十足！啖啖肉一夾就離骨，好有北方手抓羊的風味！足夠咁多位享用！ 感覺食極都唔完，非常滋味！
主食過後有佢哋鋪頭既招牌美食，第一個上檯既係好有特色既羊肉燴麵！ 特色不在羊，而是在麵，係一種闊身且煙韌既'扮扮'麵，索埋d羊味十足既湯汁，啖啖都充滿羊肉鮮味！值得推介！
另一鎮店招牌羊肉夾膜，平常都熱賣，據食開既朋友話香脆既夾膜皮同多汁既羊肉配上熱既鮮豆漿，風味絕佳！不過我實在太飽，所以食得1/4 就鳴金收兵，為今晚呢餐陝西菜劃上完美既句號！
張貼
