影片
更多
2024-12-10
300 瀏覽
有位朋友同我講喺銅鑼灣有間隱世西餐廳，出品穩定價錢又抵，喺時代廣場附近仲好方便，今個星期同男朋友約會就揀咗呢間🤭Savor Kitchen 菜單選擇都好多，食物質素上睇得出佢哋好用心思，有時仲會有Tasting Menu包曬前菜、主菜、甜品等，非常抵食，大家聖誕如果諗唔到食咩可以考慮吓呢間🎄Kanpanchi Carpaccio 本灣章紅生魚薄片 $108魚生片新鮮，處理得好好冇腥味，係英茜油中加入檸檬皮碎同香料，混合意大利白醋，口感微酸又清新，好開胃👍🏻Garlic Butter Prawn 西班牙蒜油炒蝦（加多士）🦐 $126蒜香牛油呢個組合唔會令人失望，西班牙紅蝦份量感人，而且已經剝好蝦殼同蝦尾，好方便進食，仲可以追加香脆多士，咁就唔會浪費蝦汁精華！Crispy Skin Three Yellow Chicken Leg 香煎三黃雞腿🍗 $188三黃雞腿用鹽水浸泡跟住風乾一日，之後再下鍋煎，配上白蘭地牛油汁，雞腿一切開就爆汁，熟度岩岩好，所以質感嫩滑，雞皮薄脆。Charcoal Grilled Beef Tail Flap 炭燒牛頸脊🥩 $248牛頸脊即係「頸肉」，喺比較罕見嘅部
Kanpanchi Carpaccio 本灣章紅生魚薄片 $108
魚生片新鮮，處理得好好冇腥味，係英茜油中加入檸檬皮碎同香料，混合意大利白醋，口感微酸又清新，好開胃👍🏻
Garlic Butter Prawn 西班牙蒜油炒蝦（加多士）🦐 $126
蒜香牛油呢個組合唔會令人失望，西班牙紅蝦份量感人，而且已經剝好蝦殼同蝦尾，好方便進食，仲可以追加香脆多士，咁就唔會浪費蝦汁精華！
Crispy Skin Three Yellow Chicken Leg 香煎三黃雞腿🍗 $188
三黃雞腿用鹽水浸泡跟住風乾一日，之後再下鍋煎，配上白蘭地牛油汁，雞腿一切開就爆汁，熟度岩岩好，所以質感嫩滑，雞皮薄脆。
Charcoal Grilled Beef Tail Flap 炭燒牛頸脊🥩 $248
牛頸脊即係「頸肉」，喺比較罕見嘅部位，縱橫交錯嘅脂肪同肉質給合，採用左慢煮再煎嘅方法炮製，牛肉味濃，入口好香油脂味，梅納反應亦好好，配菜羽衣甘藍都唔馬虎，係有炸過所以香脆唔澀口。
Tiramisu $78
自家製嘅Tiramisu 睇落已經好吸引，口感順滑有蛋香，芝士濕潤唔厚重，手指餅有微微酒味同咖啡香，口味平衡得幾好😌
嚟食之前冇諗過咁有水準，而且擺盤都好靚，加上環境有格調，又唔會嘈吵，好適合約會或者朋友見面，tasting menu性價比好高，下次一定會試吓👍🏻
張貼
