影片
更多
2013-08-17
950 瀏覽
醫院飯堂，一喺有病要幫襯，一喺就因探病而去幫襯，今次嚟到養和醫院飯堂食早餐就兩者都唔喺，只喺陪親友過嚟做啲檢查，但就要晨咁早仆過去，所以，就趁親友做檢查段時間，落嚟4/F嘅飯堂食番個早餐。養和醫院飯堂新裝修後，寧捨唔同晒，查實我唔知佢幾時裝修好，只喺見佢入口貼咗張通告話仲有改善工程做緊。入到個飯堂喺幾四正，木地板，木枱皮櫈，一室光潔明亮，好摩登，但最正喺個景，對住成個快活谷馬場，好開揚，令人感覺舒暢。食物方面一啲都唔平，基本嘅私家醫院飯堂價，最貴最豪嘅西式早餐，包熱鮮奶麥皮或栗米片配鮮奶，火腿 / 煙肉 / 腸仔配雙蛋，多士及咖啡或茶，收費$86；平啲嘅歐陸式早餐，包鮮橙汁（但註明非鮮榨），鮮果碟（蘋果及橙），多士及咖啡或茶，收費$58。「經濟」啲嘅是日早餐，單單一份三文治（火腿或蛋）加杯啡茶，賣成$35，最平嘅多士加餐飲，都要收$26。睇勻晒，似乎最抵食就喺個足料糯米雞配皮蛋瘦肉粥，只賣$30。晌收銀處落單後，拎番個號碼牌返埋位等送嚟。足料糯米雞果然無吹水，隻糯米雞又大又足料，糯米軟糯，火腿、冬菇、臘腸、滑雞……用料不賴，味道亦都唔錯。皮蛋瘦肉粥個粥底都幾夠綿，份量又喺好多，不過，皮
養和醫院飯堂新裝修後，寧捨唔同晒，查實我唔知佢幾時裝修好，只喺見佢入口貼咗張通告話仲有改善工程做緊。入到個飯堂喺幾四正，木地板，木枱皮櫈，一室光潔明亮，好摩登，但最正喺個景，對住成個快活谷馬場，好開揚，令人感覺舒暢。
食物方面一啲都唔平，基本嘅私家醫院飯堂價，最貴最豪嘅西式早餐，包熱鮮奶麥皮或栗米片配鮮奶，火腿 / 煙肉 / 腸仔配雙蛋，多士及咖啡或茶，收費$86；平啲嘅歐陸式早餐，包鮮橙汁（但註明非鮮榨），鮮果碟（蘋果及橙），多士及咖啡或茶，收費$58。「經濟」啲嘅是日早餐，單單一份三文治（火腿或蛋）加杯啡茶，賣成$35，最平嘅多士加餐飲，都要收$26。睇勻晒，似乎最抵食就喺個足料糯米雞配皮蛋瘦肉粥，只賣$30。晌收銀處落單後，拎番個號碼牌返埋位等送嚟。
足料糯米雞果然無吹水，隻糯米雞又大又足料，糯米軟糯，火腿、冬菇、臘腸、滑雞……用料不賴，味道亦都唔錯。
皮蛋瘦肉粥個粥底都幾夠綿，份量又喺好多，不過，皮蛋同瘦肉就略嫌好手緊，撈幾撈都無乜影，而且啲瘦肉撕得過份幼碎喇。
食完個早餐返上嚟，等多半個鐘左右親友個檢查都搞掂晒，而晌等候期間，等候區竟有部自助咖啡機，嘆多杯咖啡就正晒喇！
張貼
