影片
更多
2023-02-27
1558 瀏覽
早排約咗一班大學同學一齊食飯，由於佢哋放工嘅時間都比我早，所以好貼心咁揀咗位於銅鑼灣嘅餐廳，方便我放工行過去☺️店員安排咗我哋5個去到餐廳最隱蔽嘅角落卡位坐，有一個半掩嘅屏風板隔一隔，真係極隱蔽😂 (叫啲店員過嚟落單都唔易🤫) 不過呢間居酒屋有啲位都幾貼心，例如一碟食物標準係得3件，但係佢哋會問我哋會唔會每一碟都係5件咁上碟👍🏻 咁就一人一件唔使爭😇👍🏻高野豆腐 ($50)我之前曾經去過大坑嘅一間居酒屋食過高野豆腐，簡直一試難忘，所以難得見到呢間居酒屋都有，我就想點黎試吓。但係點知食落完全唔係嗰個味道🤔呢個豆腐係凍上，然後咬落去好似食緊一舊吸晒水嘅海綿?! 咁嘅口感… 唔太推薦。雞泡魚干 ($85)朋友係第一次食雞泡魚干🐡，好味到話想再encore多碟😛 呢度嘅雞泡魚乾係熱住上碟的，咬落去軟身，味道好香唔會腥，送酒一流👍🏻燒芝士年糕 ($60)因為對上一次去居酒屋食完芝士年糕之後發現好好味，於是今次再叫俾我班朋友試吓。味道同我上次食嘅一樣，外層煙韌中間夾開仲有芝士漿爆出嚟🤤 不過記得要趁熱食🥴明太子玉子燒 ($110)呢個玉子燒就正常發揮，沒有太大驚喜。蛋漿加左蔥花去調味，而明太子嘅份量
店員安排咗我哋5個去到餐廳最隱蔽嘅角落卡位坐，有一個半掩嘅屏風板隔一隔，真係極隱蔽😂 (叫啲店員過嚟落單都唔易🤫) 不過呢間居酒屋有啲位都幾貼心，例如一碟食物標準係得3件，但係佢哋會問我哋會唔會每一碟都係5件咁上碟👍🏻 咁就一人一件唔使爭😇👍🏻
高野豆腐 ($50)
高野豆腐
$50
165 瀏覽
0 讚好
0 留言
我之前曾經去過大坑嘅一間居酒屋食過高野豆腐，簡直一試難忘，所以難得見到呢間居酒屋都有，我就想點黎試吓。但係點知食落完全唔係嗰個味道🤔呢個豆腐係凍上，然後咬落去好似食緊一舊吸晒水嘅海綿?! 咁嘅口感… 唔太推薦。
雞泡魚干 ($85)
雞泡魚干
$85
94 瀏覽
0 讚好
0 留言
朋友係第一次食雞泡魚干🐡，好味到話想再encore多碟😛 呢度嘅雞泡魚乾係熱住上碟的，咬落去軟身，味道好香唔會腥，送酒一流👍🏻
燒芝士年糕 ($60)
燒芝士年糕
$60
23 瀏覽
0 讚好
0 留言
因為對上一次去居酒屋食完芝士年糕之後發現好好味，於是今次再叫俾我班朋友試吓。味道同我上次食嘅一樣，外層煙韌中間夾開仲有芝士漿爆出嚟🤤 不過記得要趁熱食🥴
明太子玉子燒 ($110)
明太子玉子燒
$110
47 瀏覽
0 讚好
0 留言
呢個玉子燒就正常發揮，沒有太大驚喜。蛋漿加左蔥花去調味，而明太子嘅份量都多嘅。
鹽燒手羽 ($70)
鹽燒手羽
$70
9 瀏覽
0 讚好
0 留言
我就覺得呢碟燒雞翼相對失色，雖然佢外皮燒得唔錯，而且調味足夠，但係入面既味道就偏淡，同埋比較乾身。
野菜炒 ($85)
野菜炒
$85
10 瀏覽
0 讚好
0 留言
我個人比較鍾意食菜，我覺得呢碟菜炒得幾出色。一上枱嘅時候已經好香，食落去好爽口，有蔬菜嗰種甜味，但係唔會乾。呢碟菜有蘿蔔絲、洋蔥絲、有一塊塊嘅椰菜、仲有白芝麻，所以食落會有唔同口感，層次好豐富。
鹽燒牛舌 ($85)
鹽燒牛舌
$85
56 瀏覽
0 讚好
0 留言
牛舌一碟有四串，每一串有三塊。牛舌上面加咗椒鹽燒一齊燒，牛既油脂同埋鹽嘅味道混合完之後好香好好食，有咬口得來唔會鞋👍🏻
雜錦天婦羅 ($155)
雜錦天婦羅
$155
27 瀏覽
0 讚好
0 留言
一碟入邊有茄子、蝦、青椒天婦羅等等，個粉漿唔會好厚，味道係正常發揮，冇咩特別。
牛肉豆腐煲 ($160)
牛肉豆腐煲
$160
28 瀏覽
0 讚好
0 留言
呢個煲都好好食👍🏻 佢用咗壽喜燒湯底，所以成個煲都係偏甜。壽喜燒同埋牛肉味道不嬲都好夾，而且煲底仲有粉絲去索d壽喜燒湯，加埋豆腐一齊送，好味😋
梅酒 ($60)
店員話呢啲梅酒係自家製👍🏻 可以揀少冰。落落甜甜地，好易入口，一路食一路飲酒🍻，冇咁易醉😛
張貼
