Minato

今晚想食一個decent 嘅晚餐，為long weekend畫上完美句號。可能星期日，今晚真係唔算多人，所以坐得特別舒服。叫咗HAMA 浜二人套餐，包括原隻龍蝦🦞，南非鮑魚，銀鱈魚湯，美國特級牛肉🥩等。材料真係好新鮮，尤其是隻龍蝦、鮑魚同埋個銀鱈魚湯，食落去係有鮮甜嘅味道😋。個大啡菇好Juicy，仲有個飯因為平時成日多數都係食炒飯，所以今次我哋就揀咗泡飯，效果幾特別，幾開胃。相信餐廳其中一個selling point就係私隱度高，出面完全見唔到餐廳入邊嘅情況，唔怪得知今晚見到銀行大班、仲有幾個政客名人。