I Leisure (已結業)

呢間餐廳私隱度非常高，環境又靚又chill，真係好啱同朋友飲酒傾計食飯。不過呢種類型既餐廳成日俾人個感覺係得個樣，或者只係俾人飲酒多，野食唔會好食，但係呢間食物質素真係好高。首先黎呢碟蜜糖雞翼，真係視覺味覺都滿分。輕輕用火一彈，味道即刻出哂黎，香味美味，仲帶有少少酒味，雞翼肉嫩，估唔到咁簡單既雞翼都可以整得咁好食。跟住呢個明太子龍蝦包又係無得彈既，龍蝦肉勁足料又勁好味，啖啖龍蝦肉既感覺實在太美妙。最後個主菜Shake Shake Seafood都真係好正，我叫左5款海鮮，全部都勁新鮮，份量又多，加埋佢個特別係佢個馬來西亞辣汁少少辣得黎勁惹味。另外個袋仲可以保持到d海鮮溫暖既感覺，加埋仲有d配菜好似粟米腸仔，配埋杯酒一路食一路慢慢傾計真係一流。