御名園

營業中

休息中

上星期去咗荃灣千色匯shopping，原來上面都有幾間食肆，好耐無食聖子，於是去咗御名園食晚餐。見到有燉湯特價，叫咗兩盅試下，包括舞茸合桃燉土雞湯及川貝海底椰燉鱷魚肉，我比較喜歡後者，湯頭清甜鮮味，川貝海底椰止咳化痰好有效，秋冬天氣進補一流。金蒜銀絲蒸聖子聖子食得出非常新鮮，爽口彈牙，粉絲吸晒聖子和豉油的香味，一上枱已經流晒口水。鮑魚汁花膠炆豆腐豆腐滑嘟嘟，吸晒啲醬汁的味道，花膠厚身有膠質，滋補養顏。陳皮脆香燒鵝皇(例)上枱係熱辣辣的燒鵝，雖然係例牌但份量都唔少，皮脆肉嫩，餸飯一流。黑木耳鮮百合炒勝瓜健康好味的菜式，比叫普通炒菜更合心意。最後仲送杏仁茶，好暖心🥰