影片
更多
2022-10-15
596 瀏覽
慈雲山時代冰室時代冰室之前成日聽聞，早兩日係慈雲山嗰頭打完波搵嘢食，見到時代冰室做緊秋季限定menu，有一人火鍋同煲仔飯，呢排天氣轉涼啱啱好入去試吓。坐低好肚餓兩個人叫咗一個珍寶海鮮鍋、一個麻辣肥牛炒烏冬、同埋一個北菇臘腸滑雞煲。珍寶海鮮鍋由個湯底海鮮出嚟，個煲一上枱蓋都未開就好香濃蝦味！成個餐唔使$100但料都好多，海鮮類有鮮蝦、飛魚籽蝦滑、帆立貝、蟹棒、黑魚片、仲有長洲大魚蛋，仲有一大個蔬菜盤，同埋香口類鬼馬油炸鬼、響鈴、獅子狗卷等等！仲包一整個烏冬同貢丸，真係多到兩個人食都夠飽。我哋仲用coupon $10換多碟肥牛，夾埋個蝦湯食真係不錯。秋冬季必食煲仔飯，我叫咗個北菇臘腸滑雞煲仔飯。一開蓋就好香臘味味，同埋啲餸多到睇唔到下面有飯咁濟。臘腸有咬口油脂分明又香口，滑雞都啖啖肉同唔會鞋烚烚，涼涼哋食落夠晒暖。$68足料煲仔飯都好抵。最後就係上個麻辣肥牛炒烏冬，又係好大碟抵食！仲落咗幾隻辣椒落去炒，麻辣味好出，啱晒我哋呢啲無辣不歡嘅人。肥牛夠多之餘亦唔會好肥膩啖啖油咁。成個炒烏冬係用鐵板上，可以keep住食物溫度更耐！嗰日coupon仲可以特價叫珍寶水果茶！啱晒一路打邊爐一路飲！siz
時代冰室之前成日聽聞，早兩日係慈雲山嗰頭打完波搵嘢食，見到時代冰室做緊秋季限定menu，有一人火鍋同煲仔飯，呢排天氣轉涼啱啱好入去試吓。
坐低好肚餓兩個人叫咗一個珍寶海鮮鍋、一個麻辣肥牛炒烏冬、同埋一個北菇臘腸滑雞煲。
珍寶海鮮鍋由個湯底海鮮出嚟，個煲一上枱蓋都未開就好香濃蝦味！成個餐唔使$100但料都好多，海鮮類有鮮蝦、飛魚籽蝦滑、帆立貝、蟹棒、黑魚片、仲有長洲大魚蛋，仲有一大個蔬菜盤，同埋香口類鬼馬油炸鬼、響鈴、獅子狗卷等等！仲包一整個烏冬同貢丸，真係多到兩個人食都夠飽。我哋仲用coupon $10換多碟肥牛，夾埋個蝦湯食真係不錯。
秋冬季必食煲仔飯，我叫咗個北菇臘腸滑雞煲仔飯。一開蓋就好香臘味味，同埋啲餸多到睇唔到下面有飯咁濟。臘腸有咬口油脂分明又香口，滑雞都啖啖肉同唔會鞋烚烚，涼涼哋食落夠晒暖。$68足料煲仔飯都好抵。
最後就係上個麻辣肥牛炒烏冬，又係好大碟抵食！仲落咗幾隻辣椒落去炒，麻辣味好出，啱晒我哋呢啲無辣不歡嘅人。肥牛夠多之餘亦唔會好肥膩啖啖油咁。成個炒烏冬係用鐵板上，可以keep住食物溫度更耐！
嗰日coupon仲可以特價叫珍寶水果茶！啱晒一路打邊爐一路飲！size夠大又fresh。
張貼
