影片
更多
2019-10-26
1412 瀏覽
秋天為大家帶黎火鍋，天氣開始轉涼，當然第一時間帶埋兩個閨密去我最愛既熊本牛涮鍋大快朵頤！今次已經係我第三次黎幫襯熊本，之前兩次都非常滿意，隔一排再黎食，整體水準keep住，更有意外驚喜！首先講下整體環境，熊本所在位置靜中帶旺，交通方便之餘，入口附近人流唔算太多，唔使怕要逼一大輪先上到去。上到餐廳，店面唔算太大，不過座位都算舒適，我地好好彩被安排坐係房仔入面，一邊食野一邊吱吱喳喳，都唔怕嘈親隔離！身為一隻食肉獸，當然先講重頭戲牛肉，今次我地揀左呢個package既精華係美國安格斯極級牛小排，肉質鮮嫩、色澤紅潤、雪花均勻、入口即溶，食晒仲可以再添加，100分！另外兩種肉分別係牛肩肉同加拿大豚肉，牛肩肉夠咬口，肉味都濃，都有80分。湯底我地揀左蘿蔔豚骨湯底，貪佢夠清甜，可以試真Ｄ牛肉味。意外驚喜就係呢度既炸單骨雞翼，新鮮出爐熱辣辣，炸得金黃香脆，味道激似上校叔叔既炸雞翼，後尾見到個兜無晒，老細見我地咁捧場仲特登叫廚房即刻再炸，拎埋俾我地食，我諗我地前前後後加埋食左不下二十隻，無得傾，又係100分！熊本既蔬菜，丸類選擇都唔錯，一眾大路選擇都應有盡有，蔬菜都夠新鮮。我最欣賞呢度既墨魚滑，好滑好彈
首先講下整體環境，熊本所在位置靜中帶旺，交通方便之餘，入口附近人流唔算太多，唔使怕要逼一大輪先上到去。上到餐廳，店面唔算太大，不過座位都算舒適，我地好好彩被安排坐係房仔入面，一邊食野一邊吱吱喳喳，都唔怕嘈親隔離！
身為一隻食肉獸，當然先講重頭戲牛肉，今次我地揀左呢個package既精華係美國安格斯極級牛小排，肉質鮮嫩、色澤紅潤、雪花均勻、入口即溶，食晒仲可以再添加，100分！另外兩種肉分別係牛肩肉同加拿大豚肉，牛肩肉夠咬口，肉味都濃，都有80分。湯底我地揀左蘿蔔豚骨湯底，貪佢夠清甜，可以試真Ｄ牛肉味。
意外驚喜就係呢度既炸單骨雞翼，新鮮出爐熱辣辣，炸得金黃香脆，味道激似上校叔叔既炸雞翼，後尾見到個兜無晒，老細見我地咁捧場仲特登叫廚房即刻再炸，拎埋俾我地食，我諗我地前前後後加埋食左不下二十隻，無得傾，又係100分！
熊本既蔬菜，丸類選擇都唔錯，一眾大路選擇都應有盡有，蔬菜都夠新鮮。我最欣賞呢度既墨魚滑，好滑好彈牙。飲品選擇都好多，朋友中意飲啤酒、汽水、果汁，我就揀左夏枯草同雞骨草，打邊爐當然要飲涼茶下下火，呢度既涼茶飲落唔算好甜，係誠意之作。
最後食埋Dreyers雪糕我地就打道回府，大家都非常滿意，下次黎會試下佢地既A4黑毛和牛放題，期待～～
張貼
