二鍋頭 (嘉芙中心)

營業中

休息中

火鍋放題令我想起二鍋頭，同朋友去尖沙咀二鍋頭店，門口見到招牌笑出聲，原來又到秋冬進補嘅時候，係羊腩煲呀～二鍋頭剛轉新餐牌，極尚鮮味無限7小時火鍋放題，新增羊腩煲，另烤魚、惹味雞煲、黑椒豬手煲同火焰牛尾煲依舊任點任食。先點羊腩煲，久違了的羊騷香味，羊腩帶微微騷香，用竹蔗、竹筍、冬菇、支竹、馬蹄炆煮，欣賞佢無落好重調味，羊腩炆得好腍入味，加少少腐乳醬真美味。再點黑椒豬手煲，豬手炆到啱啱好，Q彈得嚟一咬即斷，食到好豐富骨膠原，少少辣非常之惹味。沙嗲湯、胡椒豬肚雞鴛鴦湯底火鍋，套餐放題包牛板腱及過百種食材，牛板腱好嫩滑係火鍋必備自助區有大量火鍋配料，飲品同雪糕同樣任食，亦有多款小食，鹵水牛腱、 螺肉，泰式鳳爪都係送啤酒必備。