福丸水產 鉄板燒 日本料理 (已結業)

今日同朋友去左荃灣食飯，餐廳「福丸水產」是朋友既食堂，無論咩慶祝活動都鐘意去依間餐廳食日本菜開心一下。因為餐廳食物有質素，而且食物味道有水準！朋友帶路去食日本菜，我地坐低已經覺得餐廳充滿日本濃厚風味！朋友負責落單，我地先試一試秋刀魚刺身，秋天正正是秋刀魚當造時節，秋刀魚夠哂肥美爽嫩，極是鮮甜豐富，厚厚秋刀魚入口鮮嫩無比，非常吸引！魚肉新鮮夠厚，朋友食到超滋味！再叫一杯荔枝冰酒開心下！之後我地叫左筋子壽司和鮟鱇魚肝壽司，筋子超咸香超級鮮甜，醋飯非常驚喜，酸香滿足！魚肝入口唔會膩，好新鮮！秋刀魚另一種食法，炸秋刀！香脆魚骨炸到卜卜脆，入口咸香無油溢味，好香口！玉子卷蛋，蛋香濃郁香甜，入口嫩滑！燒鳥串，雞肉香甜香嫩，唔會燒到乾淨淨！A4和牛鍋，朋友極力推介！薄薄牛片充滿油花，牛味重又香，入口即溶好嫩滑！朋友介紹無錯呀！最後有麻糬甜品，好滿足晚餐呀！