影片
更多
2018-11-14
672 瀏覽
有人話秋天有一陣特別嘅氣味，我就話呢陣一定係煲仔飯嘅氣味！秋風起，除咗食蛇就係非煲仔飯莫屬！而且兩者我更愛煲仔飯嘅感覺，香噴噴，暖笠笠～是日就黎到屯門置樂附近一間新開嘅店，帶點日式居酒屋嘅格調。座位都係比較似CAFE咁隨意，而一邊BAR枱就放咗海量的酒，三五知己就可以埋黎摸下酒杯底～手工啤酒呢度都有唔同嘅特色手工啤，我地揀咗雲南呢款，用雲南普洱釀造，淡淡地易入口，但唔算好大陣茶味，唔係飲開酒嘅人都可以試試～野莓蝶豆花梳打蝶豆花冇特別味道，不過藍色夠吸引眼球同埋有護眼攻效，整體酸酸咪咪都幾開胃～粟米沙律粟米中間一開四，食嘅時候就方便好多，上面鋪滿芝士碎，食落香甜又極重芝味！芝士控一定鍾意，食到中段覺得滯可以加啲青檸汁吊一吊味，同埋佢細細條咁一唔覺意都食咗好多條～仲有多個頭盤係巴馬火腿配露荀，依然係超級多嘅芝士，呢隻火腿本身唔算太鹹，配返清爽嘅露荀都幾夾！白鱔煲仔飯白鱔肥美肉厚，油香滲晒落個飯度，白鱔同飯嘅比例係一比一架！基本上每一啖飯都可以送一舊鱔，啲飯撈一撈就非常均勻地上晒色，一啖入面有晒鱔 蔥花 蛋 同飯嘅美味！煲仔飯嘅重點係飯焦！燶燶地咁先正！！免治雞肉棒將蛋黃同蛋白打勻，直接將雞
是日就黎到屯門置樂附近一間新開嘅店，帶點日式居酒屋嘅格調。
座位都係比較似CAFE咁隨意，而一邊BAR枱就放咗海量的酒，三五知己就可以埋黎摸下酒杯底～
手工啤酒
呢度都有唔同嘅特色手工啤，我地揀咗雲南呢款，用雲南普洱釀造，淡淡地易入口，但唔算好大陣茶味，唔係飲開酒嘅人都可以試試～
野莓蝶豆花梳打
蝶豆花冇特別味道，不過藍色夠吸引眼球同埋有護眼攻效，整體酸酸咪咪都幾開胃～
粟米沙律
粟米中間一開四，食嘅時候就方便好多，上面鋪滿芝士碎，食落香甜又極重芝味！芝士控一定鍾意，食到中段覺得滯可以加啲青檸汁吊一吊味，同埋佢細細條咁一唔覺意都食咗好多條～
仲有多個頭盤係巴馬火腿配露荀，依然係超級多嘅芝士，呢隻火腿本身唔算太鹹，配返清爽嘅露荀都幾夾！
白鱔煲仔飯
白鱔肥美肉厚，油香滲晒落個飯度，白鱔同飯嘅比例係一比一架！
基本上每一啖飯都可以送一舊鱔，啲飯撈一撈就非常均勻地上晒色，一啖入面有晒鱔 蔥花 蛋 同飯嘅美味！
煲仔飯嘅重點係飯焦！燶燶地咁先正！！
免治雞肉棒
將蛋黃同蛋白打勻，直接將雞塊沾上蛋汁就食得，雞塊嘅口感似日式串燒經常食到嘅燒雞件，即係雞肉之中仲有少少軟骨個種，連蛋汁一齊食都唔錯，我第一次食覺得幾新奇～
串燒（牛粒、牛舌、大蝦）
最後就以串燒作結，牛粒剛好係一口牛份量，熟度恰到好處，食落保留到肉汁又唔會過韌。牛舌薄薄一塊，但都幾有牛味，燒得幾香口。大蝦名符其實好大一隻，最鐘意啜蝦頭入面啲汁，個度先係精華！！
成餐飯都食得好開心，因為環境太令人relax啦，見到有唔少人都好似我地咁收工過黎飲兩杯食下野咁，有時間嘅都會再黎嘆下～
張貼
