Redhouse (已結業)

肥雞不嬲係大閘蟹忠實粉絲，有大閘蟹嘅菜式肥雞係唔會錯過嘅。今日肥雞就同肥媽去咗中環嘅一間中菜館到食大閘蟹煮成嘅菜 ，非常令人期待。蟹粉拌麵  $138超正，蟹粉多蟹肉仲好多。佢嘅蟹粉同蟹肉係平分秋色，蟹肉鮮甜超級濃蟹味，蟹粉就畀到一種好鮮嘅感覺，令到成個面好濃稠，超級好食。佢個面底係闊面， 一啲鹼水味都冇，超正。蟹粉翡翠苗  $168用蟹粉撈翡翠苗肥雞係第一次食。翡翠苗好鮮嫩，一啲都冇渣。蟹粉豆腐  $168唔係如果叫咗個拌面，肥雞一定會叫一個白飯呢送呢一個蟹粉豆腐。真係好濃，好鮮，豆腐超級滑。蟹粉河蝦仁  $248蝦仁非常新鮮，彈牙，同蟹粉好夾， 有蝦有蟹，肥雞超級滿足。呢餐嘅飯食得肥雞好開心，因為又有景睇，又可以食好美味嘅大閘蟹菜式。