甜入心 (已結業)

最近秋意濃🍂 夜晚開始涼同乾燥。🍔就揾黎兩款適合秋天嘅甜品！等大家邊享受食甜品，邊感受下秋天嘅氣息！依間甜品店有唔同分店，今次就黎到九龍灣。店舖嘅佈置都幾花心思，外面除左裝修成小木屋一樣，裏面仲有張搖搖凳，打卡一流🤤-第一個推介就係比利時窩夫系列入面嘅嘅焦糖香蕉窩夫💕 成個顏色嘅tone根本就係秋天嘅啡色❤️🤤窩夫食落去嘅味道比一般嘅窩夫濃得多，而且做到外脆內軟嘅感覺！裏面唔會鬆散或太mushy,有適當嘅水份同texture 👍🏽香蕉上面有層薄薄嘅焦糖，好香😋-焦糖布甸椰皇子係必食之選🌟，係餐廳嘅鎮店之寶！足足係三層嘅享受！第一層嘅焦糖布甸🍮口感細滑，幾香蛋味。第二層嘅椰汁好香，而第三層係🍔最愛，椰皇果凍！佢係類似大菜糕嘅質地，好清甜，椰皇入面嘅肉仲可以食埋，成件事好滿足❤️ 而且椰皇仲有滋潤嘅功效，好適合女士們👭或大家係秋天食！-除左以上介紹嘅兩款甜品外，仲有好多款式，🍔覺得最近推出嘅網紋瓜系列都好吸引😍😍蜜瓜仲係韓瓜個邊黎添！