十二味不只是烤魚 (已結業)

同朋友行開天后，見到十二味不只烤魚既招牌，咁岩秋風起，就入左去試下呢間烤魚😊由於友人岩岩係內地番黎，佢特別想食辣～於是當日就揀左江團魚，要左麻辣中辣🔥🔥再加左豆皮，豆芽，金菇，土豆片😋等左大約20分鐘，終於見到烤魚啦！值得一提係超級多花椒，我中意啊😊條魚魚皮好食，略嫌魚肉比較薄身，但係整體好滑😋當然唔少得吸辣之選-金菇，真係愈食愈辣愈過癮🔥😋食到最後我同友人都要加一加湯，抖一抖再食過！另外侍應其實識講廣東話，不過都會先同你講普通話，可能係因為場內大部分人都係講普通話，什至係方言😜就當訓練一下普通話啦⋯⋯