影片
更多
2023-04-05
62 瀏覽
天文臺道幾間日式居酒屋水準都唔錯，上次食完SAKEH嘅串燒，今次黎食秋田浜焼食堂。居酒屋環境比較暗，牆上有琳琅滿目嘅牌仔，天花板仲有一個麻繩織成嘅巨漁網裝修，好有日本東北部食堂嘅感覺。 坐位安排好舒適，當晚基本上兩個人都可以坐四人枱，唔洗放到成枱嘢食。七味魔鬼魚翅較乾身同硬身，正常水準。 明太子燒原條明太子切件夾青瓜，明太子咸香青瓜清爽，唔洗送酒都食到。 串燒一口甜蕃薯、雞腎、雞軟骨、牛舌 ，過場小品。甲羅燒甲羅燒嘅蟹膏有蟹籽、青蔥、蛋絲幾個簡單配料，口味比較清新，配埋脆卜卜嘅麵包食啱啱好唔會太滯。 秋田卷 8件細卷上鋪滿唔同嘅角切海鮮，仲有海膽同三文魚籽，唔算好驚艷，但滿足到咩都想食啲嘅貪心。雖然冇咩好地道嘅秋田特產，但環境闊落食物都唔錯，同朋友黎聚聚都係一個選擇😉
坐位安排好舒適，當晚基本上兩個人都可以坐四人枱，唔洗放到成枱嘢食。
七味魔鬼魚翅
較乾身同硬身，正常水準。
明太子燒
原條明太子切件夾青瓜，明太子咸香青瓜清爽，唔洗送酒都食到。
串燒
一口甜蕃薯、雞腎、雞軟骨、牛舌 ，過場小品。
甲羅燒
甲羅燒嘅蟹膏有蟹籽、青蔥、蛋絲幾個簡單配料，口味比較清新，配埋脆卜卜嘅麵包食啱啱好唔會太滯。
秋田卷
8件細卷上鋪滿唔同嘅角切海鮮，仲有海膽同三文魚籽，唔算好驚艷，但滿足到咩都想食啲嘅貪心。
雖然冇咩好地道嘅秋田特產，但環境闊落食物都唔錯，同朋友黎聚聚都係一個選擇😉
張貼
