鼎記 (已結業)

朋友推薦有間新茶記在旺角開張，係疫市都咁有膽識，一於去試吓有乜野食。餐廳在旺角新寶戲院旁邊，以前好似係許留山。地方都幾大，門口有招牌車仔麵擋口，招牌主打鴨腩車仔麵，幾有驚喜喎。招牌菜幾堅，鴨腩麵，好似圍村盆菜咁，湯底腩汁底味濃，配油麵味道突出。燒鴨好嫩滑，牛腩炆得好淋，入口即化。另外加左西生菜，連1杯奶茶。西生菜最特別係分量好公道。可以話係大份左㖭。奶茶色澤金黃，茶味濃，口感不算厚身。總括價錢適中，份量公道，菜式有驚喜，下次要試吓d燒味。因為場中好多人食。