影片
更多
2024-08-12
430 瀏覽
下午去咗Parc 88食飯，呢間中菜餐廳走高檔Fusion路線，喺河畔隔離，落地大玻璃令溫暖嘅陽光注入餐廳，仲可以望到個靚景葡式釀響螺套餐 折後$266 一位 （要早一日預訂㗎）四式前菜：蔥油海蜇頭松露糖心蛋黑醋蝦球涼拌小雲耳四款前菜各有特色，個人最鍾意蔥油海蜇頭，個醬汁調得好香帶點微辣湯：猴頭菇螺頭燉雞湯超足料，原來仲有花膠葡式焗釀響螺將螺肉切碎，加入蔬菜用葡汁炒香，再釀入響螺加埋芝士去焗，都好味嘅蒜片和牛有兩塊和牛肉片，好多蔥蒜，放喺熱辣辣嘅石鍋上面慢慢煎熟，非常惹味香口，不過牛味被蔥蒜嘅味道完全覆蓋濃湯浸時蔬估唔到咁好味，用乾冬菇熬製上湯，每一條菜都吸收上湯嘅精華，好好味意大利黑松露海鮮燴飯用海鮮湯以西式嘅燴飯做法，加埋爽口彈牙嘅大蝦，個飯好好食呀生磨蛋白杏仁茶整得好好味，好香杏仁味，唔係個個頂得順杏仁嘅味道，不過呢個係易入口嘅，而且口感好順滑，甜度唔算高價位走高檔路線，入開嚟，想食有質素嘅fusion中菜，可以一試嘅
葡式釀響螺套餐 折後$266 一位 （要早一日預訂㗎）
四式前菜：
蔥油海蜇頭
松露糖心蛋
黑醋蝦球
涼拌小雲耳
四款前菜各有特色，個人最鍾意蔥油海蜇頭，個醬汁調得好香帶點微辣
湯：猴頭菇螺頭燉雞湯
超足料，原來仲有花膠
葡式焗釀響螺
將螺肉切碎，加入蔬菜用葡汁炒香，
再釀入響螺加埋芝士去焗，都好味嘅
蒜片和牛
有兩塊和牛肉片，好多蔥蒜，放喺熱辣辣嘅石鍋上面
慢慢煎熟，非常惹味香口，不過牛味被蔥蒜嘅味道完全覆蓋
濃湯浸時蔬
估唔到咁好味，用乾冬菇熬製上湯，
每一條菜都吸收上湯嘅精華，好好味
意大利黑松露海鮮燴飯
用海鮮湯以西式嘅燴飯做法，加埋爽口彈牙嘅大蝦，個飯好好食呀
生磨蛋白杏仁茶
整得好好味，好香杏仁味，
唔係個個頂得順杏仁嘅味道，不過呢個係易入口嘅，而且口感好順滑，甜度唔算高
價位走高檔路線，入開嚟，想食有質素嘅fusion中菜，可以一試嘅
張貼
