影片
更多
2018-05-21
167 瀏覽
星期六同女朋友踩單車，去到中途站科學園，決定食個晚飯補充下體力先繼續踩。其實科學園入夜都幾似死城，所有野都關左，只係得翻幾間餐廳有開。我地就揀左呢間日本餐廳。餐廳用左簡約設計，天花有一個個波波燈，加上落地大玻璃窗，可以隱約見到日落美景，真係好舒服。食物方面，我地要左一個set dinner。前菜有炸雞沙律，三品刺身同味噌湯。先講炸雞，幾有驚喜，脆得黎完全唔油膩，而且味道好夠。反而下面既沙律菜就太少醬汁，如果多d就好。到刺身方面，有三文魚，珍寶帶子同甜蝦。通常set dinner送既刺身質素都麻麻，但呢度三樣都好新鮮，特別係帶子，非常鮮甜。而味噌湯都唔會過鹹/飲落好多粉。主菜部分，一見到有照燒澳洲和牛就決定要佢！一黎到已經流哂口水，和牛大概燒到5成熟，超淋，唔算重油份但牛肉味都好濃。個汁係普通既燒汁，無咩特別，但其實靚牛唔洗加汁都得。女朋友就話踩完單車唔想食咁多野，佢要左一個壽司併盤-上壽司盛盒。入面有八款壽司加一個香蔥吞拿魚小卷。連set dinner前菜刺身都好食，壽司質素就更高！每樣刺身都好新鮮，好鮮甜，連最易腥既白色魚都完全唔腥。最正係海膽，完整一大片，好甜，完全唔腥仲有少少回甘
餐廳用左簡約設計，天花有一個個波波燈，加上落地大玻璃窗，可以隱約見到日落美景，真係好舒服。
食物方面，我地要左一個set dinner。
前菜有炸雞沙律，三品刺身同味噌湯。
先講炸雞，幾有驚喜，脆得黎完全唔油膩，而且味道好夠。反而下面既沙律菜就太少醬汁，如果多d就好。
到刺身方面，有三文魚，珍寶帶子同甜蝦。通常set dinner送既刺身質素都麻麻，但呢度三樣都好新鮮，特別係帶子，非常鮮甜。
而味噌湯都唔會過鹹/飲落好多粉。
主菜部分，一見到有照燒澳洲和牛就決定要佢！
一黎到已經流哂口水，和牛大概燒到5成熟，超淋，唔算重油份但牛肉味都好濃。個汁係普通既燒汁，無咩特別，但其實靚牛唔洗加汁都得。
女朋友就話踩完單車唔想食咁多野，佢要左一個壽司併盤-上壽司盛盒。
入面有八款壽司加一個香蔥吞拿魚小卷。連set dinner前菜刺身都好食，壽司質素就更高！每樣刺身都好新鮮，好鮮甜，連最易腥既白色魚都完全唔腥。最正係海膽，完整一大片，好甜，完全唔腥仲有少少回甘。
踩完單車可以喺個咁舒服既環境，食到高水準食物，真係好嘆！
張貼
