川濃

營業中

休息中

今日係科學園跑完步後，當然要搵野食，今次就揀左川濃，主要想試呢度的香鍋同小炒。<和牛香鍋>香鍋份量都幾多，和牛肉質素唔錯。最重要就係個醬汁，辣辣地夠惹味，加埋蓮藕、花菜等，送飯一流。<炸豬扒‧重慶辣滷水雞翼>炸豬扒新鮮即炸，炸粉唔會過厚，豬扒本身已經有餣，所以食落夠晒味。至於滷水雞翼入味，但唔會令到雞肉過「霉」，唔算太辣，只係吊一吊味，處理得唔錯。<炒麻椒雞>炒麻椒雞食得出鑊氣，雞肉食落唔會有雪味。麻椒味道都幾強烈，但唔係辣，配埋洋蔥提升左味道層次，又係另一送飯首選。整體而言，川菜正宗，座位裝修都唔錯，價錢合理，份量又足，的確係呢度返工或跑完步的飯堂首選之一。我首推香鍋，如果唔辣就可以選擇炒麻椒雞。