WM Café & Bar (科學園) (已搬遷) 新店位置

今日去開科學園，順便在内吃埋lunch，行經呢間wm cafe小店就入去試試。店舖雖小，但食物質素極高，餐廳内整潔，有一道落地玻璃牆門可透天然光，而且環境幽靜又有露天座位，相當舒服。最重要係佢地嘅服務及烹調真係可媲美出面嘅大餐廳！粟米忌廉湯，食到粒粒粟米蓉磨至幼滑，配上暖烘烘又脆口嘅牛油法包，正！蟹肉墨汁意大利粉，蟹肉鮮甜，加上墨魚麵口感非常彈牙，兩者極為絕配。見cafe主打花茶，一於就叫了個纖麗美顔茶，洛神花嘅酸味再配搭玫瑰及茉莉花帶出陣陣花香 ，飲落非常安神，值得一讚嘅係佢地無加糖，是正宗嘆茶嘅宗旨，唔似坊間近年興起嘅花茶都亂加上糖，失去品茶原義。甜品芝士蛋糕，有香濃芝士味，甜度適中，又有值得一讚的是碟和刀叉都雪凍，令芝士蛋糕送入口中時仍保持凍冰冰。