影片
更多
2022-12-23
53 瀏覽
藝術打印咖啡都興左一排，不過價錢都唔平所以一直冇試過。最近同朋友傾開，知道上環【ASK Café】可以免費將自己心水圖畫印落咖啡、朱古力甚至Green Tea Latte度，立即去試下。Café 喺上環地鐵站旁邊商場2樓，四周牆壁、屋頂都充滿花草裝飾，加上大量聖誕佈置好有節日氣氛，尤如鬧市中嘅秘密花園。餐牌選擇好豐富，有全日早餐、意粉烏冬、飯類漢堡、沙律小食、窩夫蛋糕。飲品Menu有2版，除左各款口味咖啡同朱古力、花茶果茶，仲有賣相好靚嘅沙冰同梳打特飲。點左榛子鮮奶咖啡同抺茶Latte，只要將自己鍾意嘅圖案AirDrop或者用藍牙Send俾店員，就可以開始製作自己專屬嘅Print Coffee。Hazelnut Latte ($44) Matcha Latte ($44)印左2隻愛貓落咖啡度，我預先將相片嘅Contrast同 Sharpen較到最高，又轉左黑白色，所以印出嚟效果好清晰。用咖啡嘅啡色做底色，睇起上嚟又比抺茶自然D。"Matcha Latte"抺茶味道非常濃郁但唔會苦澀，飲落有微微回甘，亦有奶香。"Hazelnut Latte"有果仁香又唔會太甜，好易入口。黑松露薯條 ($
藝術打印咖啡都興左一排，不過價錢都唔平所以一直冇試過。最近同朋友傾開，知道上環【ASK Café】可以免費將自己心水圖畫印落咖啡、朱古力甚至Green Tea Latte度，立即去試下。
Café 喺上環地鐵站旁邊商場2樓，四周牆壁、屋頂都充滿花草裝飾，加上大量聖誕佈置好有節日氣氛，尤如鬧市中嘅秘密花園。
餐牌選擇好豐富，有全日早餐、意粉烏冬、飯類漢堡、沙律小食、窩夫蛋糕。飲品Menu有2版，除左各款口味咖啡同朱古力、花茶果茶，仲有賣相好靚嘅沙冰同梳打特飲。
點左榛子鮮奶咖啡同抺茶Latte，只要將自己鍾意嘅圖案AirDrop或者用藍牙Send俾店員，就可以開始製作自己專屬嘅Print Coffee。
Hazelnut Latte ($44) Matcha Latte ($44)
印左2隻愛貓落咖啡度，我預先將相片嘅Contrast同 Sharpen較到最高，又轉左黑白色，所以印出嚟效果好清晰。用咖啡嘅啡色做底色，睇起上嚟又比抺茶自然D。
"Matcha Latte"抺茶味道非常濃郁但唔會苦澀，飲落有微微回甘，亦有奶香。"Hazelnut Latte"有果仁香又唔會太甜，好易入口。
黑松露薯條 ($48)
波浪薯條炸到金黃色，趁熱食外脆裡面有熱辣辣嘅薯蓉，上面灑左好多松露碎香氣誘人。
全日早餐 ($128)
有紐倫堡腸、煙三文魚、煙肉、炒蛋、薯餅、蕃茄、大啡菇、茄汁焗豆、牛角包、雜菜沙律共10款材料，顏色繽紛賣相好吸引。蛋炒得嫰滑，薯餅脆卜卜，大啡菇都非常Juicy。
黑松露雜菌意粉 ($118)
唔係平日成日食沾滿忌廉汁果種，雜菌用蒜蓉爆香，加入意粉快炒，清新可口唔會膩。意粉彈牙，雜菇爽滑，每一啖都充斥蒜香和同菇菌香。
張貼
