漫花燈火OMG (已結業)

適逢朋友生日，想搵一些比較特別又可以打卡的餐廳，上網查看看見這間以萬花筒為主題的漫花燈火，看見幾特別就試吓。進入餐廳，首先是漆黑一片，待工作人員講解之後一打開另一邊簾子：嘩…😍感覺像到了另一個世界一樣，穿過一條鏡子隧道之後，就是客人用餐嘅地方。上面掛滿紫色的花瓣，周圍都係彩色繽紛，少女心瞬間爆發，唔打卡打返夠本點對得住自己。可以選擇二人餐單點，我們選擇咗單點，點咗黑魚籽牛油果煙三文魚水牛芝士波波他他、黑魚籽麵包蟹意大利飯及慢煮穀飼180日安格斯牛肩胛伴蜜糖紅菜頭。首先來的是黑魚籽牛油果煙三文魚水牛芝士波波他他，好好食好清新👍🏻，四種食材配合得天衣無縫，食完還略嫌不夠。之後上的是慢煮穀飼180日安格斯牛肩胛伴蜜糖紅菜頭，牛肩胛肉質好嫩滑，入口即溶，牛肩胛煮得恰到好處，唔會過生及過熟，不過略嫌價錢貴咗少少😅。最後就係黑魚籽麵包蟹意大利飯，佢嘅特別之處係蟹蓋放喺石春上面。呢個都值得一讚，蟹味好出，不過食得太多會好膩。整體嘢食係好食嘅，環境又可以打卡，可以值得再試。