夢の丼 (已結業)

這是一個day off 的日子，跳完讚美操沖完涼約咗朋友來到位於土瓜灣嘅呢間隱世日本餐廳。一個溫馨舒適的環境中，和朋友享受了以下美食。首先係和店名同名嘅呢個丼飯，内有三文魚蓉，三文魚子，帆立貝，牡丹蝦，海膽，松葉蟹，及左口魚邊，之中我最鍾意大大隻，彈牙，清甜嘅牡丹蝦，帆立貝及三文魚蓉亦好好味。另一個餐一番拖羅丼亦唔輸蝕，呢個丼内有大拖羅，中拖羅，蔥碎及火炙拖羅，名副其實的拖羅大雜燴，高質，入口即溶，除此之外還有赤身漬及玉子漬，更有橙醋作點缀，好精緻的一餐，給假期添上一份美好。