林記小食

營業中

休息中

年廿九無返到屋企食(團年飯一早食咗)，而家夜晚有無堂食，一個人又諗唔到食咩，於是揸車遊車河，兜兜吓去咗西貢。見到平時食開檔炒麵仲有開，於是就去買(其實食咗好多年，不過都無俾食評佢)。今次自己一個開大餐，買了一盒炒麵、兩串燒賣、兩串牛肉球、一隻糯米雞。先講炒麵，一定要配佢個辣醬(記住唔係辣椒油)，佢啲辣醬好香，甜甜哋又幾香，配埋炒麵會變得好似撈麵咁，而且佢啲炒麵唔淋，食落去唔錯。而牛肉球亦都係值得介紹，每粒都幾大個，而且唔粉，食落去都有肉味。另外今次就叫埋糯米雞，平時都無食過，正常唔算突出。呢間舖仲有一樣推介就係膠粉，夜晚食宵夜唔錯。