名 料理 (已結業)

去左龍尾個新嘅人造沙灘，玩左成日。就係附近食埋野先番屋企。大尾督其實好多隱世嘅美食，要慢慢再發掘。今次就去左依間勁有特色嘅居酒屋。小店，係幾間村屋地下咁打通黎做，好有住家feel.小店還小店，d 食材一d 都唔小野，拍得住出面d 高級日本餐廳，自家來貨，飛機貨。有戶外，可以帶狗黎開飯。冇狗又怕熱可以入室內。menu 唔太多。不過好多時令野寫係黑板，你自己去果日再睇下有冇野啱。先黎個五點刺身盛。有5 種野，好新鮮，全部飛機貨。老闆講左d 名，人老唔太記得。個兩隻魚好新鮮，好鮮甜。海擔都好甜，唔臭唔苦。打卡一流。之後黎d 串燒雞軟骨，帆立貝，魷魚鬚正正常常。鐘意食可以叫。全部新鮮燒，所以要等等川味燒茄子同平時果d 有小小唔同。冇平時果種重孜然五香粉嘅味。今次係重辣味，上面有d 炒肉碎。重川味。最後叫個吉列黑豚肉湯烏冬因為唔多夠飽先叫。個肉，新鮮炸起，比平時d 豬肉味再重一d, 唔洗點調味。個麵就正常，唔太濃味。放心，冇味精嘅。