影片
更多
2010-10-29
9 瀏覽
8月21日, 聽聞呢一間台灣牛肉麵好出名, 又好正宗. 加上佢開店位置喺好顯眼嘅地方, 所以每一次經開銅鑼灣都會講句”下一次試佢先”~ 今日終於有個機會喇, 見門口都有少少人等緊位, 心諗咁受歡迎應該都冇死啦~ 經理望一望入面話有位wor, 好似好好彩咁… 點知係帶我地2個人分開坐2張枱? Haha? 唔通呢度係快餐店? 搭枱我地唔介意, 但係分開搭枱同我自己一個人食有咩分別? 唔可以接受wor! 等咗一陣個經理先再俾過另一張枱我地, 但係服務已經扣晒分… 基本呢個安排真係無用腦囉！::: 招牌紅燒牛肉麵 ::: $43嚟到最主要目的都係試佢地嘅紅燒牛肉麵, 賣相真係麻麻地, 好大一層油呀, 喺台灣食過嘅牛肉麵都係有好多油, 但油得黎係食到好香嘅香料味架… 呢度嘅只係似一層辣油, 唔算係香, 感覺有香料但係完全食唔出… 紅燒牛肉份量唔多, 亦比較韌咗少少, 食完好黐牙… 而麵條有咬勁, 但係真係一d都食唔出嗰種台式牛肉麵嗰種香… 另外嗰條菜不如唔好加, 既求其咬落又唔靚, 滷蛋亦如是, 好似擺咗好耐咁… 諗唔到邊一樣值$43大元…枱上面有張咭介紹牛肉麵, 話到明自己d湯底有自然油光係重
::: 招牌紅燒牛肉麵 ::: $43
嚟到最主要目的都係試佢地嘅紅燒牛肉麵, 賣相真係麻麻地, 好大一層油呀, 喺台灣食過嘅牛肉麵都係有好多油, 但油得黎係食到好香嘅香料味架… 呢度嘅只係似一層辣油, 唔算係香, 感覺有香料但係完全食唔出… 紅燒牛肉份量唔多, 亦比較韌咗少少, 食完好黐牙… 而麵條有咬勁, 但係真係一d都食唔出嗰種台式牛肉麵嗰種香… 另外嗰條菜不如唔好加, 既求其咬落又唔靚, 滷蛋亦如是, 好似擺咗好耐咁… 諗唔到邊一樣值$43大元…
枱上面有張咭介紹牛肉麵, 話到明自己d湯底有自然油光係重口味, 但係我地喺台灣食過同樣重口味嘅真係香同埋d麵條索到味lor… 要少油嘅我就唔駛食台式牛肉麵啦…
::: 程班長炸醬麵 ::: $35
有d類似烏冬咁嘅麵條, 不暖不凍, 又有d黐住一舊舊. 面頭d炸醬味道幾似肉燥, 鹹中帶甜, 當中混入咗不少肥肉… 整體味道一般, 最有印象係食完見到碗底嘅油淋淋… 真係好油! 隻滷蛋好膠, 條菜都幾硬… 碗野都算細碗, 但因為夠油所以食完都漏到飽咗…
一致決定無下次! 衛生唔好得去邊, 坐得又唔舒服, 服務差得嚟食物亦差, 價錢仲要係貴! 呢一位程班長考試完全肥佬, 沒有重考嘅機會!
張貼
