三滝 (已結業)

三滝係灣仔冇咩既海鮮丼飯外賣，起初由供應十幾廿款定式海鮮丼，到而家可以自選海鮮組合，一直以黎既賣點都係variety。份量係OL飯量，男仔食會唔夠飽，不過海鮮種類夠多，味道夠鮮，作為一個外賣，食品質量已經過關。三滝係即叫即整既，師傅會喺你落單後按單執料，砌好一個靚靚海鮮丼你拎走，因此新鮮度好有保證。我今次食既係大河原丼，有拖羅茸，油甘魚，吞拿魚，同翡翠螺。拖羅茸好肥美，而且夠新鮮，非常不錯，油甘魚比吞拿有口感，下次會全改做油甘，翡翠螺就冇咩味，不過都叫新鮮。近100蚊一個外賣，食物質素對得起個價錢既。不過唔多夠飽係個大問題