至尊滿屋日本料理 (已結業)

三文刺身大件、肥美、厚身兼且文理清晰，質素有咁上下!芒果幾時都係咁好食、芝士經火灼後亦會散發著芝士香，任食唔駛睇住個BUDGET，我必定會食! It's my favour. 所以食晒一碟後，隨即 re-order 多一碟。曾經試過嚮食日式放題，見到D蟹子少得可憐，食多兩件都俾舊壽司飯頂住個胃。呢處的蟹子壽司算是正常份量和比例 ，做生意較均真。芝麻八爪魚不單爽口，而且有陣強烈的麻油味，真的好香口，食完當堂胃口大增。白雲鳳爪是另一款開胃小食，同樣能增食慾。食完冷盤，叫番碗肥牛烏冬暖暖胃。肥牛夠晒薄，嫩滑度都 ok ; 烏冬亦夠彈，合格!羊肉唔夠油脂會 "乾爭爭"， 過多又會太過騷。這客燒羊架油脂啱啱好黎唔會騷，肉味亦濃。我非常愛吃燒鱈魚, 因其肉滑、無細骨又唔腥。如果可以煎得耐些少，會更香口。飯後「果」及甜品有錦上添花嘅後果，所以我是不會錯過的。