影片
更多
2014-06-10
1677 瀏覽
因為今年係同男朋友拍拖五週年兼適逢佢生日,所以我就想揾間特別小小既餐廳慶祝上網揾到一間係尖沙咀既私房菜食西餐既好似唔錯,就決定去試下去到餐廳所在大廈,再走入餐廳,感覺好似別有洞天咁,好新奇,同繁囂既大街好大對比但係到望環境既同時,因為我地約左8點鐘,我見到個廳坐滿哂人,心諗唔通冇留到位比我地?原來佢地留左間房比我地兩個二人世界,真係好開心,兩個人都可以有一間房,之後問返,我打電話BOOK枱個時同地講過話會同男友慶生日,所以就預留左間房比我地,夠貼心.跟住就入正題-食.首先侍應拎左D面包同一個醬嚟,D面包軟綿綿,暖烘烘,好好食,而男友就比較鐘意食佢個面包醬,話咁快就食哂侍應仲問我地洗唔洗再添,我地怕再食就食唔落一陣個D野食啦 跟住侍應同我地介紹生蠔,仲話生日會送半打比我地,正正正一送到嚟我地掛住食,相都冇影,但我鍾意食澳洲個隻(唔記得咩名),有青瓜味,好清新之後侍應再同我地介紹今日有D咩食,等左五分鐘,頭盤送到嚟我就要左海蝦菠蘿沙律,當醒胃菜,但最驚喜係男友食既牛他他,初初我都好驚食生牛肉,但食落去竟然唔似生既,神奇之後到湯我就要左蕃茄凍湯,第一次飲凍既湯,幾可口,特別男友就要左墨魚汁湯
上網揾到一間係尖沙咀既私房菜食西餐既好似唔錯,就決定去試下
去到餐廳所在大廈,再走入餐廳,感覺好似別有洞天咁,好新奇,同繁囂既大街好大對比
但係到望環境既同時,因為我地約左8點鐘,我見到個廳坐滿哂人,心諗唔通冇留到位比我地?
原來佢地留左間房比我地兩個二人世界,真係好開心,兩個人都可以有一間房,
之後問返,我打電話BOOK枱個時同地講過話會同男友慶生日,所以就預留左間房比我地,夠貼心.
跟住就入正題-食.
首先侍應拎左D面包同一個醬嚟,D面包軟綿綿,暖烘烘,好好食,而男友就比較鐘意食佢個面包醬,話咁快就食哂
侍應仲問我地洗唔洗再添,我地怕再食就食唔落一陣個D野食啦
跟住侍應同我地介紹生蠔,仲話生日會送半打比我地,正正正
一送到嚟我地掛住食,相都冇影,但我鍾意食澳洲個隻(唔記得咩名),有青瓜味,好清新
之後侍應再同我地介紹今日有D咩食,等左五分鐘,頭盤送到嚟
我就要左海蝦菠蘿沙律,當醒胃菜,
但最驚喜係男友食既牛他他,初初我都好驚食生牛肉,但食落去竟然唔似生既,神奇
之後到湯我就要左蕃茄凍湯,第一次飲凍既湯,幾可口,特別
男友就要左墨魚汁湯,呢個墨魚汁湯真係要一讚,雖然就咁睇落去好似芝麻糊咁,但飲落去真係好鮮甜,好飲
再跟住就係鵝肝,送到之後侍應叫我地趁熱食,仲話夾小小多士都好好食
真係好甘香呀食完之後出左個雪芭,
但我奇怪點解咁早出甜品,男友話我冇聽書,頭先人地講左係用嚟清口腔食主菜,失禮死而家咁天氣咁熱食真係好O岩,而且係白桃味,我至愛,仲想食多兩杯
跟住就到主菜啦,男友就點左羊架,講左要唔好見血,果然做到,而且唔韌,合格
而我就要左帶子"面豉"意大利飯,你冇睇錯,真係用左面豉醬去煮,但唔係用中國個D,係用日本個D加埋D半熟既帶子,食落去甜甜地,,好好味呀,用嚟配老闆請飲既白酒,perfect!
最後去到甜品啦,突然間熄哂燈!!! HAPPY BIRTHDAY TO ......... 男友好驚喜呀,原來侍應同老闆拎住個有蠟燭既甜品入嚟,又幫我地影相.為我地呢餐畫上完美句號.
總括來講,呢餐飯大部份野都好好食,而且老闆同員工都好好人,又會同我地傾下計,請我地飲酒.最鍾意就係呢D會同食客有多D交流既食肆,唔係剩係單純商業既關係,除左滿足肚皮之餘,仲填滿了人心. 家的感覺,我諗呢D就正正就係呢間私房菜做到既野.
張貼
