影片
更多
2010-05-05
13 瀏覽
四月尾，忙到甩轆，飯都係要食。今日有稀客，變成四人飯局，想食西餐，黎左呢到，之前訂位不成，今次終可一試。天氣難測，無端端落勁大雨，又塞車，遲大到，七點半變左八點半，坐低既時候已經好肚餓。睇睇menu，四course同五course既分別在於多個蠔，唔計main course，前菜同湯都有好幾款選擇，幸好今日選擇恐懼症冇發作，唔係就出事。 同枱的都習慣share黎食，分別都要左唔同既main，可以試幾款。先來的係蒜蓉包，熱，脆，不算太硬，原本想跟湯食，可能太肚餓，湯未黎已經食哂。前菜自己要左巴拿馬火腿沙律，友人既係煎鵝肝同埋焗田螺。巴拿馬火腿沙律，Parma Hams 係煎過，食落有d似煙肉，味不算重，不過還可以，沙津係凱撒來的，伴有柚子，作為前菜很對胃口。小試友人既煎鵝肝，外面煎到薄脆，食落甘香，作為前菜，厚度同埋size亦適中，覺得係前菜選擇中最好既。另外焗田螺，大隻多汁，薯容腍了一點。我既湯係帶子南瓜忌廉湯，有幾粒帶子係入面，帶子鮮味有驚喜，南瓜切粒，整個湯很creamy。友人既龍蝦湯最有驚喜，飲落係好濃郁既龍蝦湯，亦有兩三件龍蝦係入面，creamy非常，很香滑，亦忍唔住向友人要多
四月尾，忙到甩轆，飯都係要食。今日有稀客，變成四人飯局，想食西餐，黎左呢到，之前訂位不成，今次終可一試。天氣難測，無端端落勁大雨，又塞車，遲大到，七點半變左八點半，坐低既時候已經好肚餓。
睇睇menu，四course同五course既分別在於多個蠔，唔計main course，前菜同湯都有好幾款選擇，幸好今日選擇恐懼症冇發作，唔係就出事。 同枱的都習慣share黎食，分別都要左唔同既main，可以試幾款。
先來的係蒜蓉包，熱，脆，不算太硬，原本想跟湯食，可能太肚餓，湯未黎已經食哂。
前菜自己要左巴拿馬火腿沙律，友人既係煎鵝肝同埋焗田螺。巴拿馬火腿沙律，Parma Hams 係煎過，食落有d似煙肉，味不算重，不過還可以，沙津係凱撒來的，伴有柚子，作為前菜很對胃口。小試友人既煎鵝肝，外面煎到薄脆，食落甘香，作為前菜，厚度同埋size亦適中，覺得係前菜選擇中最好既。另外焗田螺，大隻多汁，薯容腍了一點。
我既湯係帶子南瓜忌廉湯，有幾粒帶子係入面，帶子鮮味有驚喜，南瓜切粒，整個湯很creamy。友人既龍蝦湯最有驚喜，飲落係好濃郁既龍蝦湯，亦有兩三件龍蝦係入面，creamy非常，很香滑，亦忍唔住向友人要多少少。洋蔥湯較為淡，洋蔥夠軟身。湯的話，龍蝦第一。
到主菜，自已要了燒雞，雞夠滑，局部脆皮，沒有太大驚喜，只能說是穩陣。驚喜的是友人既乳豬，乳豬皮厚不硬，脆得狠，皮下脂肪不算太多，豬肉很嫩夠軟，很惹人歡喜的主菜，對我來說，份量也不少呢。聽說皇后街街市那間也很有水準，睇黎搵日要去試下啦。油鴨這樣食也是第一次，禁多樣之中，以油鴨聞落好香，望落很乾身，鹹味不過火，不算油膩，皮少少脆，配醬食效果更好。羊扒要的係medium，火喉處理很好，五成剛好，羊肉夠腍，羊味亦夠，也是穩陣之選。
自己冇食個蠔，不評，不過友人說個底d菠菜加埋d芝士食夠哂香。
甜品有三款，哈，都係試哂啦。我要既係姜汁梳乎厘，姜汁上左枱才篤穿倒落去，鬆軟帶有少少姜汁味剛好，甜味亦適中，不過仍掛住天樂果個梳乎厘。Cheese cake&Tiramisu不算最好，不過也食得過的甜品。
埋尾有咖啡，香味夠，也不錯。友人自帶左支白酒，味是圍內喜好，哈哈，不懂不多談。另點了店方既紅酒，是智利來的，我地淺嘗，也不錯。喜歡邊吃邊飲，會繼續到處淺嘗杯中物。
店子小小，坐廿人多，環境也不錯。對食物整體很滿意，菜一道接一道上，上菜時間掌握得很好，很適合我呢d心急人。服務很好，繼續支持小店。
張貼
