一碗小麵

營業中

休息中

呢間位於西營盤既小店，沿着地鐵站行過嚟只需要5分鐘左右，其實都算方便，但位置唔起眼，冇諗過會咁多人等位！等位嘅時候，發現店內裝修都好有心思，而且牆上面既畫都好用心思，大部分都係用粉筆畫既！佢杯茶好香濃既麥味，好解渴，連飲品都唔洗特別叫！頭盤試咗佢個涼菜拼盤，價錢真係好平，＄70左右就已經有四款小食，而且份量都唔細。味道方面，其中兩款都係辣辣地，比較開胃！不過個人最鍾意就係青瓜同埋黑醋雲耳，兩個嘅感覺都好清新，唔錯！主食叫咗個酸辣雞肉米線，湯底好香，味道唔會太重，但每啖食落去都有酸辣味，不過今次叫咗BB辣，略嫌唔夠辣，下次會想試吓辣少少！另外就食咗一碗牛腩麵，佢個湯底用咗麻辣湯，同牛肉既味道非常夾！而且佢用既麵係類四川麵線，同個湯底配搭得好好。