穴 (奧海城二期)

營業中

休息中

奧海城，雖然有地鐵到，但係近幾年都甚少過去果邊。朋友今次約去果邊食飯，都順便行左一行，睇下有咩食。今次見到呢間穴，食評幾好，外面望入去環境好似唔錯，餐牌選擇亦多，由前菜、刺身、沙律、串燒、炸物、卷物、壽司、漬飯、甜品等等都照顧到…就入去坐低，最鐘意就係枱同枱之間隔得幾好，唔會迫，兼且人多都唔會太嘈。得兩條友，點到既食物唔太多，但MENU選擇又多，花多眼亂，諗左好一陣先點到菜。章紅魚薄切黑松露帶子﹕賣相好特別好靚，章紅魚面放帶子，帶子面又放甜蝦、甜蝦上面又有黑松露，仲有就係章紅魚面以海鹽同麻油調味，帶子、甜蝦夠鮮甜，以麻油鹽調過既薄切章紅魚幾特別，最搶鏡既都係黑松露，滿口松露香味，配搭有創意！ 什錦魚生沙律﹕去食日本野，好多人都叫蟹子沙律、蕃茄沙律…我個人就鐘意食魚生，所以一般會叫魚生沙律，過好多地方比既款式唔太多，兼且有渣。呢度既什錦魚生都好多款…三文魚、吞拿魚、立魚、鯖魚、劍魚、油甘魚都見到有，而且份量多，無渣，溫度夠低，Very Nice. 黑松露甜蝦卷﹕一上枱都幾特別，以為係甜蝦上面放黑松露，點知佢個甜蝦又有搞作，似人地打蝦膠咁張甜蝦打成膠，再以少少類似蛋黃醬調過，再以松露點綴