花園餐廳 (已結業)

不得不佩服我朋友嘅毅力，佢參加咗保險公司嘅健康計劃，因為持之以恆嘅實踐，換咗好多張以獎勵形式嘅戲飛返嚟🤩 呢日 #小秘書 仲好榮幸被邀請一齊去睇 Spider-Man 🕷 因為仲有排都未夠鐘，我哋就先行去後街搵嘢食，到夠鐘再返嚟。本來我哋係想去茶餐廳嘅，不過行吓行吓見到有間「花園餐廳」喺前邊，朋友突然想入去懷舊吓😌 今日佢係我哋嘅 #主子，我當然聽哂佢話啦🤪 由於大廳嘅座位已經坐滿人，服務員帶我地經過一條冷巷入去一個似臨時搭建嘅地方😌 患有「選擇困難症」嘅我就鍾意跟大隊，叫咗個下午茶餐 #雞扒沙律 跟 #凍檸茶。件 #雞扒 喺表面睇嚟都唔差嘅，不過當我咬咗一啖，已經唔敢再食落去😣 件 #雞扒 成陣雪味... 真係食唔落口！怪不得廚師要擺咁多調味料加醬汁上去🤯 我只好選擇放棄，用杯 #檸檬茶 嚟填肚啦！😣