新榮興粥店

營業中

休息中

個人唔舒服，好多野都食唔落。於是請呀媽買碗白粥返唻當晚餐。食開嘅粥店冇開，唯有叫佢去呢間買，咁佢自己再柯打多個牛脷酥。等完又等，呀媽終於返到唻。掀開蓋一睇就知伏已中，個白粥非常之稠，正常係好事，但面前呢碗野好明顯係加咗大量麵粉嘅結果。至於牛脷酥，如果白粥都差到咁，炸物就只會差上加差。成舊都輕飄飄嘅，呀媽都不停彈，話老闆做生意奸到咁。真係只能夠講不知所謂。以後冇得揀都唔會再幫襯。好奇怪呢間啲野咁難食都可以唔執，成日幫襯佢嘅人嘅味蕾係咪有問題。