影片
更多
2019-03-15
236 瀏覽
得知長發將會開薩莉亞個陣，自己一直都非常期待，中學補完習成日都會去薩莉亞食飯。鍾意薩莉亞唔單止係童年回憶，仲因為佢經濟實惠，性價比高。由於係夜晚9點幾到餐廳，已經過咗晚餐高峰時段，所以唔使等位就可以即時入座。呢間座位都算闊落，一直都覺得薩莉亞啲位幾好，唔會好逼。今次一共叫咗五碟餸，食完兩個人都好飽肚好滿足～煙肉菠蘿薄餅$29薄餅已經約略界開做四塊，厚度適中，有微微芝士拉絲效果，薄餅熱辣辣夠香軟。菠蘿酸酸甜甜，可解一解膩。批邊唔算烤得太燶，香脆略硬。芝士焗薯角$17薩莉亞必點之選，呢款已經食過好多次。同以往味道差不多，芝士依然好香濃，亦有拉絲效果。薯角如果可以更香脆會更加分，最鍾意將薯角加上煙肉同好多好多芝士一齊食。辣味雞翼(4隻)$17雞翼好香口惹味，辣度剛剛好，令人過癮之餘又未至於辣到噴火。趁熱食風味更佳。歐陸風烤焗香腸(2條)$19第一次嘗試呢款，一碟有香腸同薯角。香腸都幾長下，大概有一隻手掌長。由於佢係鐵板，食個陣記住要吹涼啲，香腸嘅熱油好易淥親嘴。香腸幾香脆，口感扎實，但有點太油。菠菜配煙三文魚忌廉意大利粉$32因為搵唔返以前最愛嘅青醬煙肉意粉，唯有食呢款將就下。菠菜煮得太稔，
中學補完習成日都會去薩莉亞食飯。
鍾意薩莉亞唔單止係童年回憶，仲因為佢經濟實惠，性價比高。
由於係夜晚9點幾到餐廳，
已經過咗晚餐高峰時段，所以唔使等位就可以即時入座。
呢間座位都算闊落，一直都覺得薩莉亞啲位幾好，唔會好逼。
今次一共叫咗五碟餸，食完兩個人都好飽肚好滿足～
煙肉菠蘿薄餅$29
薄餅已經約略界開做四塊，
厚度適中，有微微芝士拉絲效果，薄餅熱辣辣夠香軟。
菠蘿酸酸甜甜，可解一解膩。
批邊唔算烤得太燶，香脆略硬。
芝士焗薯角$17
薩莉亞必點之選，呢款已經食過好多次。
同以往味道差不多，芝士依然好香濃，亦有拉絲效果。
薯角如果可以更香脆會更加分，
最鍾意將薯角加上煙肉同好多好多芝士一齊食。
辣味雞翼(4隻)$17
雞翼好香口惹味，
辣度剛剛好，令人過癮之餘又未至於辣到噴火。
趁熱食風味更佳。
歐陸風烤焗香腸(2條)$19
第一次嘗試呢款，一碟有香腸同薯角。
香腸都幾長下，大概有一隻手掌長。
由於佢係鐵板，食個陣記住要吹涼啲，香腸嘅熱油好易淥親嘴。
香腸幾香脆，口感扎實，但有點太油。
菠菜配煙三文魚忌廉意大利粉$32
因為搵唔返以前最愛嘅青醬煙肉意粉，唯有食呢款將就下。
菠菜煮得太稔，口感會差少少。
單食煙三文魚會偏鹹，配返意粉食可以中和返味道。
整體而言，食物質素同以往無太大分別，都仲係幾抵食。
有機會一定會再幫襯。
題外話/補充資料：
以前幫襯其他薩莉亞已經發現有共同衛生問題，通常啲杯唔夠乾淨，會有油漬浮面。
而呢間當然都唔例外，餐具乾淨程度印象中都係一般，希望衛生方面可以做返好啲。
(以上食評乃用戶個人意見 , 並不代表OpenRice之觀點。)
張貼
