薩莉亞意式餐廳 (長發廣場)

營業中

休息中

下午非繁忙時段去食 目測得幾枱有客Order左幾樣野食 雞翼 pizza 味道幾好但黎錯個意粉 小事 換過碟不過其中個甜蝦粗管麵 黎到真係呆左正常都睇得出未整好 點會就咁比個客？？個邊燶嘅 中間一pat白汁 摸一摸碟邊 唔太熱問職員係咪未焗好？之前食過都唔會係咁樣架喎職員：我都唔係好清楚雖然佢最後都有再換過碟 但成個感覺都好差基本講聲唔好意思都無句！蒜蓉包等半個鐘 問職員係咪漏咗 佢答仲整緊唔係繁忙時間都可以咁馬虎 咁多甩漏 不能接受！終於明點解身邊朋友對呢間分店咁多負評！如果真係有心繼續營運 真係要正視問題。

諗唔到食咩嘅時候多數都會選擇薩莉亞，價錢平選擇多，仲有唔少分店。唯獨係擔心衛生問題，不過見唔到就當冇問題先啦😂星期六7點，唔洗等位仲有位揀。坐得唔算逼，檢查過餐具冇油漬先點餐。要用QR code自己order，方唔方便就見仁見智。前菜小食拼盤，一次過試到焗雞雞翼腸仔，味道中規中矩，只夠兩人share。週打海鮮湯係有料嘅，感到驚喜。芝士薯蓉，比較膩，令人有飽滯感。溫泉蛋卡邦尼意大利粉 & 雞肉多莉亞，一飯一麵做主食，滿足脆焗香味雞球，得四粒&比較細，雞球size 好睇彩數檸檬冰雪蛋糕，最後用甜品埋尾，重甜檸檬味

今日午餐去到青衣的薩莉亞，叫同事叫左幾個套餐，一個套餐平均都係（$4x-5x)可以食到好飽，真係唔錯。禁佢每個餐都有一個主食有個湯/飲品吧，湯就冇得無限添，但飲品吧就可以係出面自己選擇想飲d咩，杯杯不同都可以，無限飲，中意飲汽水的人一定要加！禁套餐的沙律就普普通通細細碟。個雞肉粗管面，雖然份量就少咗啲不過食落去都幾樓，濃濃芝士味，所以都幾飽肚！禁呢個主菜，鐵板漢堡臘腸雞球，就係肉食者嘅天下啖啖肉，味道都唔錯個漢堡扒個汁係黑椒味嘅，少少辣。

冇諗過經OpenRice 下單也可以漏單⋯⋯外賣自取，到了才再下單，呆等一排才可有得拿取，一次外賣自取之奇妙之旅！好處是食物新鮮熱辣辣，心情也熱辣辣，寒冬新調味料？

薩莉亞可以話係窮人恩物，每次到糧尾要出街食都係首選佢。四十蚊有找就食到碟意粉，而且又無加一，抵食。每次2個人黎都一定會點肉醬多莉焗飯。我覺得呢款焗飯係佢既招牌菜，而且次次上碟出晒煙，夠晒熱，抵食又好味道。

今日唔洗點排隊呀 好快就入坐啦 想食下 pizza意粉 又想平平地 薩莉亞真係幫到手 講真味道就以咁平價錢哩講係好 3個人食到飽先230蚊 以下係我必食系列周打海鮮湯 $24個湯夠哂熱 配料唔算多 湯配埋洗包食好正味道再濃d 就好 不過就返個價錢都算ok芝士法包 $12蒜香法包 $102款法包都好香脆 個人鍾意蒜香味多 個味出過芝士原味雞翼 $17薩莉亞d雞翼好好食 夠哂入味 真係食唔停口 4隻先17蚊 仲要係好食香辣腸 $19脆皮腸 辣辣地 外脆內軟 點下茄汁食唔錯挪威煙三文魚 $24每次必食 配d香草檸檬汁同橄欖油一齊食 好夾呀 雞肉野菌雙享pizza $34pizza就好一般 味道唔夠同埋好厚 餅底唔夠脆 不過好多雞肉 肉醬多利亞 $27鍾意食肉醬ge我岩哂 其實就係肉醬飯咁 份量剛好 唔會好流明太子魷魚蝦仁意大利粉 $34配料好多呀 大大舊魷魚 意粉算彈牙 個明太子汁都ok自助飲品 $26/位冷熱任飲 飲2杯都返本啦 不過薩莉亞d杯真係好污糟 10隻有9隻都用唔到 性價比高 食物種類好多 吸引客人食完再食 平得哩好食 就係重點 如果衛生可以再做好d就好

如果我記錯我第一次去薩利亞食嘢好似都有6-7年了，但一直都係掛住食食食，食食食😂😂😂每次都係同朋友，屋企人去食。掛住傾計、食嘢，都諗到要拍照記錄下食左咩🙈。個日又唔想煮飯，但係要食飯喎。咁就去左薩利亞啦。 一個人點左三樣嘢，一個燴飯，一個pizza,兩塊麵包😋。忌廉意大利飯飯有野菌既香味、忌廉味道非常好，甜而不漏、個種奶香味陣陣撲鼻😋水牛芝士薄餅，呢種細細既薄餅，岩晒我一人食😋，餐廳推介做人氣食物的確無錯的。上面嘅芝士想要的效果都有，芝士迷你懂的😆 最後一個，芝士法包個有香蔥，芝士味，焗到焗卜卜，每次下午餐都突然想起佢😂😂希望役症做點過去，可以同朋友，家人一齊開懷暢飲😊😊

今次是第二次來食這間薩莉亞啦，上次試過不錯，今次再食。今次是星期五晚上，都比較多人等，我們晚上七時來到攞飛，大概等了半小時左右才有位。今次安排了卡位給我們二人，隔離沒有其他枱，感覺自在。我們叫了一客周打海鮮湯，一客粟米忌廉湯。周打海鮮湯味道ok，似一般忌廉湯咁。我還是愛喝粟米忌廉湯，它有種粟米的香甜味，加埋忌廉很搭，很香濃好味，自從上次飲完覺得好好味今次要再叫，哈哈。我們亦叫了一客辣味雞翼(4隻)，一個雞肉野菌雙享薄餅，一份黑松露野菌忌廉意大利粉及一份意式菠菜伴煙肉。辣味雞翼很惹味，肉質亦好juicy。個雞肉野菌雙享薄餅都不錯，最欣賞係個茄底同鬆軟包底。黑松露野菌忌廉意大利粉，好creamy，意粉軟硬適中，ok。意式菠菜伴煙肉就普通，沒有什麼特別。我覺得這間薩莉亞的食物質素唔錯，上菜都好快，侍應態度都主動勤力，加上價格便宜多選擇，都值得再去。唯一一樣就是餐具和水杯再乾淨一點會更好。

食物好味，唯獨某位員工對待客人態度差勁，表情藐嘴藐舌言語態度欠佳，並大力關菜單和大力放菜單在桌下，沒有對陌生人基本尊重不求任何高服務，只求基本尊重。之前光顧數次員工態度正常，此次經歷後大感失望，不會再此區考慮光顧此分店

上星期去咗青衣長安村嗰邊食薩利亞。佢個芝士雞肉多利亞同溫泉蛋肉醬多利亞好飽肚，價錢又平而且味道唔差不過個小食芝士薯角味道就真係麻麻地，好一般。。。。甜品榛子脆餅座位好多，但係如果你得兩個人時會將旁邊的枱拆開安排其他人入座。兩枱之間距離太近了。。枱同枱嘅距離只有大約兩個手指位。。。至於衛生就麻麻，枱都未抹乾淨。。講到服務真係麻麻地，個店長黑口黑面。。好似得罪佢咁。。。又趕時間。。。態度認真地麻麻。不過算啦，佢勝在食物夠平，而且味道不養。呢個係佢優勝之處

今日終於試咗青衣既分店可以比較新，環境都乾淨，不過餐具就麻麻嗌咗甜蝦沙津，啲菜好新鮮，比預期好，後尾仲追加咗一個菠蘿沙津😆仲嗌咗個pizza，黑松露野菌沙津，雞翼晚市都好快送上👍🏾要推薦佢既布丁！好好味呀！🤩

同朋友Girls talk，唔一定要飲酒先可以詳談，可以慢慢坐先係我嘅首選。晏就約咗朋友食薩莉亞，平平地坐得都算舒服，傾傾下就傾咗個幾鐘好彩入座之後唔算好多人等，無被人趕。-芝士焗薯角同我食過薩莉亞嘅人應該都知，呢款係我必點。雖則有對比過貴價啲嘅薯角的話，薩莉亞薯角真係遜色啲。因為佢嘅薯角外皮其實唔脆，係軟稔同濕潤，可以話無咩層次可言。但加上拉絲芝士同鹹香煙肉片，就救得返整體。再者10幾蚊算係性價比唔錯。-肉醬多莉亞呢款我比較少食，係薩莉亞自家調配嘅肉醬白汁焗飯。酸酸甜甜都幾開胃，焗飯都係都比濕個類，不過不失。-脆焗香味雞球賣相唔太討好，好似一舊舊萎縮咗嘅麥樂雞。而口感同麥樂雞都好似，炸皮較薄，唔會太鹹。加上開胃沙律醬，算係唔錯嘅小食，但唔太值20幾蚊。-水牛芝士薄餅對薄餅餅底無咩要求嘅人相信都會鍾意食薩莉亞薄餅。老實講，薩莉亞薄餅餅底唔夠外脆內軟，口感係單一，同普通麵包無異。不過水牛芝士作配料係唔錯，芝士味都夠，但未算好濃郁，平有平食。

經濟又抵食既薩莉亞，作為青衣人總算唔使下下都搭出荃灣先有得食lu.每次都必點既雞翼（8隻），明太子意粉（超好食，爽口又好食），跟住今次仲點左蒜蓉包，硯肉，同埋魷魚。不過魷魚有d 難切haha,但總結黎講係抵食，好抵食，同埋加10零蚊就有得任飲水吧飲品😘

這間新開的薩莉亞門面不錯。可惜與該集團其他分店相比，面積明顯偏細，座位有限，致令繁忙時間經常要輪候，尤其是夜晚。該集團統一的餐牌，有齊其所有出品。至於是否達到其他分店的平均水平，則有待一試。這款邦哥尼意粉，賣相不俗，茄味濃，調味亦佳，意粉的乾濕度亦適中，可惜少部份蜆肉有微量幼沙。另一款意粉製作亦算認真，食材舖砌有序，碟亦覺雅緻，外觀及味道合乎市面其他餐廳水平，野菌爽脆清新，黑松露亦配搭得宜。中華海草酸甜冷凍，配以微量切細辣椒，倍覺開胃，且甚有嚼頭，清爽彈牙。蒜蓉法包新鮮温熱，配以適度蒜蓉，味道醇厚可口，是飯和意粉的絕佳替代品。這薄餅熱度充足，韌度與爽脆度恰到好處，芝士味濃，薄餅迷不會失望。綜觀是次品嘗的出品，該店水平與市面中上級餐廳的平均水平不遑多讓，但價錢卻平宜得多，用好食抵食四個字來形容絕對合適。

平民美食最近係青衣開左，梗係黎捧場喇，我之前食幾次都冇叫過多利亞，叫過之後就愛上左佢，叫左一個肉醬一個雞肉，我食肉醬已經覺得驚為天人喇，點知雞肉仲好食丫😋仲要廿幾蚊一個，正 之後就叫個芝士pizza喇，呢個pizza有d放淋左，所以雖然係薄批但都唔係好脆，扣分，不過咁平我唔怪佢，最後仲叫左個墨魚汁意粉，雖然食到個咀墨魚咀咁黑，但又係又平又好食，所以都係要叫黎食😋