神戶食堂 空姐牛肉飯 (已結業)

一直聽聞西九龍8樓food court係一個臥虎藏龍嘅地方，今日經過，一於上去朝聖一下。今次選擇咗「神戶食堂空姐牛肉飯」，一個細空姐牛肉飯($32)，再加5隻壽喜燒雞翼($20)。先講牛肉飯，佢嘅牛肉肥瘦均勻，肉質嫩滑，唔會煮得過老而令到牛肉好鞋，飯吸收咗牛肉汁嘅味道，啖啖飯都有牛肉嘅香味，值得推介！佢嘅牛肉汁較為淡口及偏甜，唔會過鹹。而且佢額外俾多一碟牛肉汁，適合重口味人士自行添加。而佢個壽喜燒雞翼，雞肉嫩滑Juice，帶有點酒香，非常入味，好食！