666泰船麵 (德輔道西) (已結業)

呢間野在西環一帶好似都幾出名，最近仲見到社交平面有推介，所以就心郁郁來試下。店鋪環境不錯，幾有特色，但d位好窄，要預左好似平時茶記圓枱咁圍埋坐摺凳。牛肉船金邊粉（＄42）食船麵最緊要睇個湯底，老實講個湯底唔係差，但唔係「好泰國」，比較似中式的味道，而且都可以再濃點。另外，豬油渣用料很一般。海南雞飯（＄42）飯太淋、痴埋一舊，而且唔係好食得出係油飯，椰味、雞湯味、炒底一律欠奉。但雞都仲算滑，不過呢個所謂extra size既海南雞飯，比金邊粉還要細碗，抵食程度偏低。另加了3元叫左樽泰式奶茶，店鋪一早整好雪定一樽樽，比平時飲開的泰式奶茶更加甜，下單前可三思。店員態度不錯，上菜快，服務令人滿意。